سەرۆکێ لژنا پەروەردەو خواندنا بلند و ڤه‌كولینێن زانستی ل پەرلەمانێ کوردستانێ ئاشکراکر كو د 24 ده‌مژمێرێن داھاتى دا بڕیارا وەرگرتنا هه‌موو قوتابییان ل زانکۆ پەیمانگه‌هان دێ هێته دان.
عەبدولسلام دۆلەمەڕی، سەرۆکێ لژنا پەروەردەو خواندنا بلند و ڤه‌كولینێن زانستی ل پەرلەمانێ کوردستانێ د فه‌یسبووكێ خوه‌دا به‌لاڤكرییه: د كۆمبوونا مه دگه‌ل تیما وه‌زاره‌تا خواندنا بلند دا پێشوازى ل پشكه‌كا قوتابیێن نه‌رازى ژ ئه‌نجامێن زانكۆلاینێ هاته كرن،خۆشبه‌ختانه گه‌هشتینه ئه‌وى ئه‌نجامى كو د 24 ده‌مژمێرێن داهاتى دا بریارا وه‌رگرتنا هه‌موو قوتابییێن خۆشتڤى ل زانكۆ و په‌یمانگه‌هان دێ هێته دان.
هه‌روه‌سا ئه‌و ژى دیاركر: وه‌رگرتنا ئه‌وان قوتابییان دێ ل دووڤ رێزبه‌ندییا نمرێن وان بیت و ئه‌ڤه ژى ب زێده‌كرنا كورسیێن خواندنێ ل زانكۆیێن حكومی و كێمكرنا كورسیێن خواندنا پارالێل.
