پارێزگارێ دهۆکێ و کۆنسلێ ئیتالیا چەند تەوەر گۆتۆبێژکرن

د.عەلی تەتەر، پارێزگارێ دهۆکێ ئه‌ڤرۆ پێشوازی ل میکێلێ کامێرۆتا کۆنسلێ وەلاتێ ئیتالیا یێ هەرێما کوردستانێ کر.

د.عەلی تەتەر و میکێلێ کامێرۆتا، پەیوەندیێن دناڤبەرا هەرێما کوردستانێ و وەلاتێ ئیتالیا د بیاڤێن کەلتوری، فەرهەنگی، خاندن، پەروەردێ، بازرگانی و ئابووری گۆتۆبێژكرن.

کۆنسلێ ئیتالیا سۆپاسیا پێشوازیا گەرما پارێزگارێ دهۆکێ کر، رۆلێ کارگێریا پارێزگەهێ و پێشوازیا وه‌لاتیان ل وێ هژمارا زۆرا پەنابەر و ئاواران دماوێ ڤان هەشت سالاندا بلند نرخاند.

پارێزگارێ دهۆکێ خۆشحالیا خۆ ب سەرەدانا کۆنسلێ وەلاتێ ئیتالیا دیارکر و راگەهاند، پێخوشە پەیوەندیێن مە دگەل وەلاتێ ئیتالیا دهەمی بیاڤەکیدا پێشڤەچوونێ بخۆڤەبینن و ل سەر ئاستێ پارێزگەها دهۆکێ و پارێزگەهێن ئیتالیا ئەڤ پەیوەندییە بەرفرەهـ ببن.