هشیار زێبارى ئه‌ندامێ مه‌كته‌با سیاسیا پارتى دیمۆكراتى كوردستان، ئه‌ڤرۆ د كۆربه‌ندێ ئاشتى و ئاسایشا رۆژهه‌لاتا ناڤه‌راست ل زانكویا ئه‌مریكى ل دهۆكێ گوتاره‌ك پێشكێشكر.
هشیار زێبارى ئاماژه ب هندێ كر: پێدڤیه ب جدى باس ل پاشه‌رۆژا ئیراقێ پشتى هه‌لبژارتنان بكه‌ین، هنده‌ك وه‌لاتان ئه‌زموونا خوه ل ده‌ڤه‌رێ هه‌یه، بزاڤێ بۆ جێگیركرنا هێز و سیاسه‌تا خوه ل ده‌ڤه‌رێ دكه‌ن، به‌لێ نوكه گوهۆرین بسه‌ر ره‌وشێ دا هاتییه، ژبه‌ر هندێ هنده‌ك هێزێن دى دڤێن جهێ ئه‌مریكا بگرن، و گوت چ هێز نه‌شێن وێ بووشاییێ تژى بكه‌ن یا ئه‌مریكا ب جهـ دهێلیت.
هوشیار زێبارى گوتژى، پشكه‌كا زۆر ژ لایه‌نێن سیاسى ده‌نگ لسه‌ر جێبه‌جێكرنا یاسایا هه‌لبژارتنێن ئیراقێ دایه، بۆ وێنه و بۆ بازنێن بچووك یان فره بازنه‌یی.
دیارژى كر، ئه‌وان سه‌ركردێن ئیراقێ بۆ هه‌لبژارتنێن ئیراقێ داخواز كربوون، دا به‌لگه‌نامه‌كا شه‌ره‌فێ ئیمزا بكه‌ین داكو زێده‌گاڤى د هه‌لبژارتناندا نه‌هێنه كرن و هه‌موو لایه‌نان رازیبوونا خوه ده‌ربرییه، ژبه‌ر هندێ ئاساییه ئه‌نجامێن هه‌لبژارتنان ب دلێ هنده‌ك لایه‌نان نه‌بن.
