ھونەرمەندا شێوەکار شەمیران حەسەن قادر ب شەمیران بابان دھێتە ناسین د ھەمان دەمد ا کارێ راگەھاندنێ دکەت، د دیدارەکێ دا بۆ خانی نیوز راگەھاند، چەندین سالن تێکەلی ھونەری بوویە و پاشان پەیمانگەھا ھونەرێن جوان پشکا شێوەکاری ب داوى ئینا ئەڤە بوو ئەگەر زێدەتر گرنگیێ ب وارێ ھونەری بدەت، پاشی وەک پێشکێشکارا دو بەرنامێن حەفتیانە ل رادیۆیا دەنگێ کوردستان دەستبکاربوویە و چەندین سالان کارێ راگەھاندنێ و ھونەری د ئێک دەم دا دکەت.
د ھەلبژارتنا کەڤالێن خوە دا شەمیرانێ گۆت: کەڤالێن وێ گشتینە لێ بارا پتر سروشتێ کوردستانێ و ژنێ ھەلبژارتینە، مەرەم ژ سروشتی ژى پاراستنە و ژنێ ژى ئازادیا روحیە و گۆت ژی: وێ مفا ژ پەیمانگەھا ھونەرێن جوان دیتیە و حەز ل سەر خواندنا کۆلیژێ ژی ھەیە، ھەروەسا پەیمانگەھـ و کۆلیژ ب مفانە بۆ وان یێن حەز ل سەر ھەی.
ھونەرمەند شەمیرانێ دیارکر، تا نھا پشکداری ھەژمارەکا پشانگەھان بوویە و ڤیان ل سەر ڤەکرنا پێشانگەھێن تایبەت ھەیە، بەلێ دەرفەت نەبوویە و دخوازیت ل سالا نوو ھەژمارەکا پێشانگەھێن تایبەت ڤەکەت.
شەمیرانێ دیارکر: ھونەر رەنگڤەدانا ھونەرمەندییە و ھەر پەیامەک و کەڤالەک ژ ناخێ ھونەرمەندی دەردکەڤیت، گەر خۆ د کەڤالەکێ دا نەبینیت نەشێت وەک پێدڤی کار ل سەر بکەت، ژبلی وارێ ھونەری گەلەک حەز ل سەر راگەھاندنێ ھەیە و ھەردو باران ب رێڤەدبەت کو ل رادیۆیا دەنگێ کوردستان پێشکەشکارا دو بەرنامەیێن ھونەری و ساخلەمیە.
ل گۆره‌ى گۆتنا شەمیرانێ ھونەرمەند بەردەوام پەیامێن ئاڤا کەر دگەھینن ناڤ جڤاکی، بەلێ نزا جڤاک چەند کار ل سەر پەیامێن ھونەرمەندان دکەن، ھەردەم وێ ڤیایە پەیامێن دلخۆشکەر و ئاڤاکەر بگەھینیت جڤاکی.
خانی نیۆز: رەمەزان ھەرنی
