نوونه‌رێ سه‌رۆكێ رووسیا دێ سه‌ره‌دانا هه‌رێمێ كه‌ت

نوونه‌رێ سه‌رۆككۆمارێ رووسیا دێ سوباهى سه‌ره‌دانا هه‌رێما كوردستانێ كه‌ت و دێ دگه‌ل به‌رپسێن بلند كۆمبیت.

میخائیل بۆگدانۆڤ، نوونه‌رێ تایبه‌ت ڤلادیمێر پوتین، سەرۆکێ رووسیا بۆ کاروبارێن رۆژهەلاتا ناڤه‌راست و باکوورێ ئەفریقیا، دێ سوباهى رۆژا چارشه‌مبى سه‌ره‌دانا هه‌ولێرێ كه‌ت.

 ل دووڤ زانیاریان میخائیل بۆگدانۆڤ، د سه‌ره‌دانا خوه‌دا دێ دگه‌ل سه‌رۆك بارزانى و سه‌رۆكێ هه‌رێما كوردستانێ و سه‌رۆكێ حكومه‌تا هه‌رێما كوردستانێ كۆمبیت.

میخائیل بۆگدانۆڤ دگه‌ل به‌رپسێن هه‌رێما كوردستانێ دێ پرسێن وزێ و پرۆژێن كۆمپانیێن مه‌زن یێن رووسنه‌فت و گازپرۆمێ رووسی کو ل ھەرێما کوردستانێ کار دكه‌ت، پەیوەندیێن ھەولێر و مۆسکۆ بۆ زێده‌تر پێشئێخستنا پەیوەندیێن ئابووری و بازرگانی دێ گۆتۆبێژكه‌ن.