وهزیرێ ناڤخۆ دیاركر، روودانێن سلێمانیێ پێدڤى ب ڤهكۆلینێن جدییه و كهسێن تێكدهر د خۆنیشاندانێدا ههبوون.
رێبهر ئهحمهد وهزیرێ ناڤخۆ یا حكومهتا ههرێما كوردستانێ ئهڤرۆ راگههاند: روودانێن سلێمانی و ڕانیا پێدڤى ب ڤهكۆلینێن جدییه، ئهم دگهل خوهپیشاندانێن ئاشتیێنه ل دووڤ یاسایێ هاتبیته رێكخستن، توندوتیژی بهرامبهر خۆنیشاندهران یان هێزه ئێمناهیێ نههێتهكرن، بهلێ دڤێ خۆنیشاندانێدا دهستێن تێكدهر تێداههبوون.
رێبهر ئهحمهد ل دۆر بهشداریا ژنان د ئاشتى و پاراستنێدا گۆت، تا ژێدهرێ توندوتیژیێ ژناڤ نهبهین، ئافرهت نهشێت رۆلێ خوه د جڤاكا ئیراقێدا بینیت، ئهگهر جوداهیێ بكهین ژ لایێ پێشكهفتن و پێگههاندنا ئافرهتێ ل ههرێمێ جوداهییهكا مهزن دگهل ئیراقێ و رۆژههلاتا ناڤهراست ههیه، ئهڤه دهستكهفت و شانازیه پشتى راپهرینێ ب گرنگى بحس ل رۆلێ ئافرهتێ كریه.
وهزیرێ ناڤخۆیێ ههرێما كوردستانێ دیاركر: ئهگهر رهوشا سیاسى، ئابوورى، كومهلایهتى و ئێمناهیێ د گونجایى نهبن، نه ب تنێ ئافرهت ئارام نابیت، بهلكو پتریا جڤاكى دێ د توندوتیژیێ دا ژین، وهك ئهوا نوكه د ئیراقێدا ههى.
رێبهر ئهحمهد وهزیرێ ناڤخۆ ئاماژهكر، ئیراق وهك ئهنداما نهتهوێن ئێكگرتى نهشیایه رۆلێ خوه د دابینكرنا ئارامیی د ئاستێ ناڤدهولهتیدا ببینیت، ژبهرهندێ پێدڤییه سیستهمێ ڤى وهلاتیدا ئاریشه بهێنه چارهسهركرن و د چارچوڤێ یاسا و دستووریێدا ئافرهت بشێت رولێ خوه د دابینكرنا ئاشتى و ئارامیێ دا ببینیت.
وهزیرێ نافخۆ یێ حكومهتا ههرێما كوردستانێ داخاز ژ جڤاكێ ناڤدهولهتى و رێكخراوێن نهتهوێن ئێكگرتى كر، درێژیێ ب رۆل و هاریكاریێن خوه ژبۆ گهشهكرنا ئافرهتان د ئهزموونا سهركهفتنا كوردستانێ بدهن، ژ بۆ هندێ سهركهفتى تربن.
Like this:
Like Loading...
