ل دەستپێکا كۆمبوونێدا، سەرۆکێ جڤاتا وەزیران، ب ناڤێ جڤاتا وەزیران ، پرسە و سەرەخۆشی ئاراستەی بنەمال و کەسوکارێن ئەوان پێشمەرگەیێن قارەمان کر، کو ل چەند ڕۆژێن بوریدا ل دەڤەری گەرمیان، د هێرشهكا تیرۆریستیا داعشێ دا شەهیدبوون.
پاشى شۆڕهش ئیسماعیل وەزیرێ كاروبارێن پێشمەرگەیى، تیشک خستە سەر سەرهدانا خوه بۆ سەنگەرێن پێشمەرگەیى ل دەڤەرا گەرمیان و ئەو دهڤهرێن ڕووبڕووی هێرشا تیرۆریستیا داعش بووین، وەزیرێ پێشمەرگەیى ئاماژە دا کو ئەوان دهڤهران، بۆشاییا ئەمنی تێدایه.
برگا دووێیا كۆمبوونێ یا پێكهاتى بوو ژ پێشنیارا دامهزراندنا سێ ئێكهمێن ل سهر ئاستێ كولیژ و پشكێن زانكۆ و پهیمانگههێن حكومى ژ دهرچوویێن سالا خواندنێ 2016-2017 ل سهر میلاكێ وهزارهتا خواندنا بلند و ڤهكولینێن زانستى كو ژلایێ ئارام محەمەد قادر وەزیرێ خواندنا بلند و ڤهكولینێن زانستی دا دیاركرن. جڤاتا وهزیران ژى، بڕیاریدا کو ل دهستپێكا سالا نوو 2022 دابمەزرینن.
جڤاتا وەزیران، جەخت ل گرنگییا زێدهترا ڕەخساندنا هەلێن کارى کر ل کەرتێ تایبەت و دابینکرن و ڕێکخستنا گشت مافێن یاسایێن کرێکار و کارمەندێن کەرتێ تایبەت ب شێوەیەکى کو مافێ خانەنشینیێ و بیمەیێ یا پاراستى بیت، هەروەکو ل کارنامەییا کابینەیا نههێ یا حکومەتا هەرێما کوردستانێ جەخت ل سەر هاتییه كرن.
د برگا داویێ یا كۆمبوونێدا، بێگەرد تاڵەبانی، وەزیرا چاندن و ژێدهرێن ئاڤێ، پێشنیارهك سەبارەت ب درێژکرنا دهمێ هاتییه دیاركرن بۆ پرۆسەییا قەرەبووکرنا ئەوان جووتیاران کو خودان گرێبەستێن چاندنێ نه یان بڕیارا دابەشکرنا زەڤییان هەبوویە و زەڤیێن وان كهفتینه ناڤ سنوورێ باژێرڤانیێ دیاركر.
جڤاتا وەزیران، سهرهرایى جهختكرنێ ل قهرهبووكرنا یاسایى یا وهلاتییان پێشنیارا وهزارهتا چاندنێ و ژێدهرێن ئاڤێ پهسهندكر بۆ دانا دهرفهتهكا دیی بۆ دهمێ سێ ههیڤان بۆ بهردهوامبوونا پرۆسهیێ و قهرهبووكرنا خودان مافان.