<h3 style="text-align: justify;"><span style="font-size: 18pt;">مهسرور بارزانى سهروكێ حكومهتا ههرێما كوردستانێ پێشوازى ل شاندهكێ بلندێ روسیا ب سهروكاتیا میخائیل بۆگدانوڤ نوونهرێ تایبهتێ سهرۆكێ روسیا بۆ كاروبارێن رۆژههلاتا ناڤهراست و ئهفریقیا و جێگرێ وهزیرێ دهرڤه كر.</span> <span style="font-size: 18pt;">د دیدارهكێدا دوماهیك پێشهات و گوهورینێن عیراقێ و دهڤهرێ و بهرهف پێشڤهبرنا پهیوهندیێن دناڤبهرا ههرێما كوردستانێ و روسیا دا گهنگهشكرن.</span> <span style="font-size: 18pt;">نوینهرێ تایبهتێ سهروكێ روسیا و جێگرێ وهزیرێ دهرڤه ، سلاڤێن سهركردایهتیا روسیا گههاندنه سهروكێ حكومهتا ههرێما كوردستانێ و ئاماژه ب رولێ دیارێ سهروك بارزانى كر كو روسیا وهك پێشهواى نهتهوا كورد دبینیت، ههروهسا بهحسێ پێگههێ گرنگێ ههرێما كوردستانێ و پهیوهندیێن دوستانه و دیروكى یێن وهلاتى وى دگهل ههرێما كوردستانێ كر، و دووپاتى ل وێ چهندێ كر كو پێدڤیه بیروبوچوونێن حكومهتا ههرێما كوردستانێ سهبارهت لێكگوهارتن و گوهورینێن ههرێمێ و دهڤهرێ بهرچاڤ بهێته گرتن.</span> <span style="font-size: 18pt;">سهروكێ حكومهتا ههرێما كوردستانێ ئامادهیا ههرێما كوردستانێ بو پێشڤهبرنا زێدهتر یا پهیوهندیان دگهل روسیا د ههمى بیاڤان دا دهربرى، بتایبهتى بهرفرههكرنا دهرفهتێن هاریكارى و ههماههنگیێ بو وان بابهتێن جهێ گرنگیا ههردوو لایانه.</span> <span style="font-size: 18pt;">د تهوهرهكێ دى دا بهحسێ رهوشا سوریێ و پرسا كوردان ل دهڤهرێ كر، ههروهسا سهروكێ حكومهتێ دوپاتى ل گرنگى یا ههبوونا نهخشهرێیهكا سیاسى بو چارهسهركرنا پرسا كوردان ل سوریێ كر كو دویربیت ژ تاكرهویی و خوسهپاندنێ و نوینهراتیا ههمى لایهنێن كوردى ل سوریێ بكهت.</span></h3> <img class="alignnone size-medium wp-image-42138" src="https://www.xaniagency.com/wp-content/uploads/2021/12/1638371019WhatsApp-Image-2021-12-01-at-5.56.53-PM-6-300x200.jpeg" alt="" width="300" height="200" /> <img class="alignnone size-medium wp-image-42139" src="https://www.xaniagency.com/wp-content/uploads/2021/12/1638370952WhatsApp-Image-2021-12-01-at-5.56.53-PM-1-300x196.jpeg" alt="" width="300" height="196" /> <img class="alignnone size-medium wp-image-42140" src="https://www.xaniagency.com/wp-content/uploads/2021/12/1638370923WhatsApp-Image-2021-12-01-at-5.56.53-PM-8-300x200.jpeg" alt="" width="300" height="200" />