جڤاتا دادوه‌رى ل هه‌رێما كوردستانێ فه‌رمانا دامه‌زراندنا 47 دادوه‌رین نوو بۆ دادگه‌هێن هه‌رێما كوردستانێ دا.
د فه‌رمانێدا هاتیه، لدووف نڤیسارا سه‌رۆكاتیا هه‌رێما كوردستانێ، بجهئینانا گشت مه‌رجێن یاسایى، بریارا دامه‌زراندنا 47 دادوه‌را بۆ دادگه‌ها تێهه‌لچوونا هه‌ولێر، سلێمانى، دهۆك، كه‌ركوك و گه‌رمیان هاته دان.
دامه‌زراندنا وان دادوه‌ران پشتى ب دووماهیك هاتنا خولا سیێ یا په‌یمانگه‌ها دادوه‌ریه، كو هژمارا وان 47 ن، و پشتى رێوره‌سمێن سوێندخوارنێ ل به‌رامبه‌رى سه‌رۆكێ جڤاتا دادوه‌رى، دێ ده‌ست ب كارێ خوه كه‌ن.
