داینگه‌هه‌كا تایبه‌ت بۆ زارۆیێن زیندانیێن چاكسازیا ئافره‌ت وسنێلان ل ئێتیتێ هاته‌ ڤه‌كرن

 ئه‌ڤرۆ ب ئاماده‌بوونا زكیه‌ سه‌ید صالح، بریكارا وه‌زاره‌تا كار وكاروبارێن كومه‌لایه‌تى وماجد سه‌ید صالح نونه‌رێ پارێزگارێ دهۆكێ وچه‌ند ئه‌ندامێن په‌رله‌مانێ كوردستانێ ورێڤه‌به‌را چاكسازیا ئافره‌ت وسنێلا ل ئێتیێ ونونه‌رێ رێكخراوا یونسێڤ، داینگه‌هه‌كا تایبه‌ت بۆ زارویێن زیندانیێن چاكسازیا ئافره‌ت وسنێلان ل ئێتیتێ هاته‌ ڤه‌كرن.

بریكارا وه‌زاره‌تا كاروبارێن كومه‌لایه‌تى ونونه‌رێ پارێزگارێ دهۆكێ ده‌ست خوشى وسوپاسیا رێكخراوا یونسێڤ كر، بۆ ئاڤاكرن وبه‌رهه‌ڤكرنا داینگه‌هێ، ژبۆهندێ دناڤ چاكسازیێ دا زارویێن دادگه‌هكریێن چاكسازیێ لناڤ داینگه‌هێ ژیانا خو ئاسایى ده‌ربازكه‌ن ومافێن وان وه‌ك زاروك دناڤدا بهێنه‌ بجهئینان.

هه‌ژى گوتنێ یه‌ داینگه‌هـ ژسێ كابینێن رێك وپێك دگه‌ل پێدڤیێن وێ یێن سه‌ره‌كى پێك دهێت، ته‌ختێن نڤستنێ و یاریێن زاروكان دناڤدا هاتینه‌ دانان، داینگه‌هێ شیان هه‌نه‌ هه‌تا بیست زاروكان وه‌رگریت نێزیكێ شێست هزار دولار ژلایێ رێكخراوا یونسێڤ ل پرۆژه‌ى هاتینه‌ مه‌زاختن وستافێ چاڤدێرى وسه‌رپه‌رشتیێ ژلایێ رێڤه‌به‌ریا گشتى یا چاڤدێریا كومه‌لایه‌تى هاتیه‌ دانان.