سەرۆك بارزانی دیاركر: وه‌لاتیێن كوردستانێ پشتراستدكه‌م تۆلا شه‌هیدان دێ هێته ڤه‌كرن و خۆینا وان ب هه‌روه ناچیت.
سەرۆك مەسعود بارزانی د كۆنگرێ ره‌ڤه‌ندا كوردیدا ل هه‌ولێرێ گۆتاره‌ك پێشكێشكر و راگه‌هاند، چ جاران گه‌لێ كورد شه‌ر نه‌هه‌لبژارتییه، به‌لكو هه‌رده‌م به‌رگری ژ خوه كرییه، كورد نه‌چووینه سه‌ر ئاخا كه‌سێ و سته‌م ل كه‌سێ نه‌كرییه.
سه‌رۆك بارزانی گۆت، داخاز دكه‌ین دۆزا گه‌لێ كورد ل هه‌مى پارچان ب شێو‌ێ ئاشتی و دیموكراسی چاره‌سه‌ر بكه‌ن، شه‌ر چاره‌سه‌رى نینه، پێدڤییه ئه‌م كورد دهشیاربین، خیلاف دگه‌ل رژێمان نابیت بیته دوژمناتى دگه‌ل گه‌لان.
سەرۆك بارزانی دیاركر ، كوردستان نموونه‌یه‌كا جوانه بۆ پێكڤه‌ژیانا ئایینی و نه‌ته‌وه‌یى و هه‌رده‌م مه شانازی ب فه‌رهه‌نگا كه‌ڤن كرییه و دڤێت ب پارێزین، جیهان ژى دزانیت كوردستان جهێ پێكڤه‌ژیانێیه.
سەرۆك مەسعود بارزانی ئاماژه كر؛ درۆستكرنا په‌یوه‌ندیێن دوستانه دگه‌ل وان هه‌مى ره‌ڤه‌ندێن دى یێن دگه‌ل هه‌وه ل وان وه‌لاتان، بزاڤێن خورت بۆ ب ده‌ستڤه‌ئینانا دوستێن كورد بۆ دوزا گه‌لێ كوردستانێ و بزاڤكرن بۆ ناساندنا هه‌مى وان تاوانێن جینۆسایدێن د ده‌رحه‌قا ملله‌تێ كوردا دا هاتیه‌كرن.
