نێچیرڤان بارزانى، سهرۆكێ ههرێما كوردستانێ، ئهڤرۆ دوشهمبی” پێشوازى ل ماتى لاسیلا بالیۆزێ نوو یێ فینلهدا ل عیراقێ كر.
د دیدارێدا نێچیرڤان بارزانى بۆ دهستبكاربوونێ و بۆ رۆژا سهربهخۆیا فینلهندا پیرۆزباهى لێكر و داخوازا سهركهفتنێ بۆ وی و گهل و حكومهتا فینلهندا كر، ههروهسا سوپاسیا ههرێما كوردستانێ بۆ فینلهندا دووپاتكر كو ل سالا 2015 ێ د چارچوڤێ ههڤپهیمانیا نێڤدهولهتی یا دژى داعشێ دا، هاریكارى و پشتهڤانیا ههرێما كوردستانێ دكهت.
ماتى لاسیلا بالیوزێ فینلهندا ئاماژه ب هندێ كر، وهلاتێ وان ب گرنگیێ د دهته پهیوهندیان دگهل عیراقێ و ههرێما كورستانێ و دخوازیت ل ههموو واراندا گرنگیهكا زێدهتر ب پهیوهندیان بدهن، دووپاتى ل هندێ كر وهلاتێ وان د چارچوڤێ ههڤپهیمانیا نێڤدهولهتى، ژ هاریكارى و پشتهڤانیا عیراقێ و ههرێما كوردستانێ دێ بهردهوامبیت.
دانوستاندنا ههلبژارتنێن عیراقێ و پێنگاڤێن پێكئینانا حكومهتا بهێت یا عیراقێ، ئامادهییا پێگههێ ههرێما كوردستانێ ل پرۆسا سیاسیا عیراقێ دا، گرنگى و ئارامیا سیاسى، پرسا كو چو كوچبهران ئێك ژ تهوهرێن دى یێن دیدارا وان بوو.
