بڕیارە ئه‌ڤرۆ تابلۆیا گلگامێش، پشتى 30 سالان ل ئەمریکا بۆ ئیراقێ بهێته زڤڕاندن، کو ئێكه ژ شینوارێن مێژوویى و ل سالا 1991 ژ ئیراقێ هاتیه دزین.
ئەحمەد سەحاف، په‌یڤدارێ وەزارەتا ده‌رڤه‌یا ئیراقێ د لێدوانه‌كا رۆژنامه‌ڤانیدا راگه‌هاند: ب هه‌ماهه‌نگى دگه‌ل ڕێكخراوا یونیسكۆ و حكومەتا ئەمریكا، دێ ئه‌ڤرۆ سێشه‌مبى تابلۆیا گلگامێش گه‌هیته بەغدا، ته‌مه‌نێ وێ زێده‌تره ژ 3 هزار و 500 سالان و ب خه‌تێ بزماری پشكه‌ك ژ داستانا گلگامێش ل سه‌ر هاتییه نڤێسین.
ل سالا 1991 دا ل ده‌مێ شه‌رێ گەردەلوولی بیابان، تابلۆ ژ مۆزەخانا ئیراقێ هاته دزین، ل سالا 2019، وەزارەتا داد یا ئەمریكا بڕیاردا بۆ ئیراقێ ب ڤه‌گه‌رینن.
