شانده‌كێ وه‌زاره‌تا پێشمه‌رگه‌ى به‌ره‌ڤ به‌غدا ب رێكه‌فت و دێ دوو كۆمبوونێن گرنگ ل دور شه‌رێ داعش دگه‌ل وه‌زاره‌تا به‌رگریا عیراقێ كه‌ن.
وه‌زاره‌تا پێشمه‌رگه‌ى راگه‌هاند، ل سپێده‌هییا ئه‌ڤرۆ ب مه‌ره‌ما دوو كۆمبوونێن جودا یێن له‌شكه‌رى و هه‌والگیرى، شانده‌كێ بلندێ وه‌زاره‌تا پێشمه‌رگه‌ى، ب سه‌رۆكاتییا فه‌ریق جه‌بار یاوه‌ر مه‌نده، ئه‌میندارێ گشتى یێ وه‌زاره‌تێ، به‌ره‌ڤ به‌غدا ب رێكه‌فتن. بریاره دوو كۆمبوونێن جودا دگه‌ل هه‌والگرییا له‌شكه‌رى یێ وه‌زاره‌تا پێشمه‌رگه‌ى و هه‌والگرییا به‌رگرییا عیراقێ ل فه‌رماندا ئۆپه‌راسیۆنێن هه‌فبه‌ش بهێنه كرن.
وه‌زاره‌تێ ئاماژه ب هندێ ژى كر، د كۆمبوونا دووێدا بریاره، دانوستاندنێ ل دۆر ره‌وشا نوكه یا ده‌ڤه‌رێ و مه‌ترسیێن تیرۆرستان، و پێنگاڤان ل دۆر چاره‌سه‌ریا ئاریشێن دناڤبه‌را سوپایێ عیراقێ و هێزا پێشمه‌رگه‌یدا ب هاڤێژن، ژبۆ هندێ پێكڤه رۆلێ خوه ببینن ژبۆ پاشڤه‌برن و تێكشكاندنا تیرۆرستێن داعشێ.
