سەرۆک بارزانی: رۆندكێن دانیال میترانێ بۆ گەلێ کورد چو جاران ناهێنه‌ ژبیر كرن

ئه‌ڤرۆ سێشەمبی 7 ی کانوونا ئێكێ 2021 ل سەلاحەدین سەرۆک مەسعود بارزانی پێشوازی ل کەساتییێ فرەنسی و کورێ دانیال میترانێ، جیلبێرت میترانێ کر.

د وێ دیدارێدا سەرۆک بارزانی پێزانین بۆ ھه‌ڤسۆزی و رۆلێ دیرۆكی یێ خانم دانیال میترانێ كو هاریكارییا گەلێ کوردستانێ كربوو” ب مرۆڤه‌كا مەزن و دۆسته‌كا مه‌زن وەسفکرد و دووپاتی ل هندێ كر” كو دلسۆزی و رۆندكێن خانم دانیال میترانێ بۆ مەزلوومیەتا گەلێ کورد چو جاران ناهێنه‌ ژبیر كرن” گۆت ژی: گەلێ کوردستانێ هه‌ر چو بۆ بیره‌وه‌رییا خانم دانیال میترانێ بکه‌ت ھەر کێمە و د ئاستێ هاریكاری و دلسۆزییا خانم دانیالێ بۆ گەلێ کوردستانێ نینە.

سەرۆک بارزانی سوپاسییا سەرۆک فرانسوا میتران، سەرۆکێ وه‌غه‌ر كری یێ فرەنسا و ھه‌ڤژینێ دانیال میترانێ کر، کو ڕۆلێ ب ھێز ھەبوو بۆ پاراستنا گەلێ کوردستانێ پشتی سه‌رهه‌لدانێ.

سەرۆک بارزانی سوپاسییا گەلێ فرەنسا و حکومەت و سەرۆکێن فرەنسا کر كو د ھەموو بارودۆخان دا پشته‌ڤانێن گەلێ کوردستان بوون.

د بەرامبەر دا جیلبێرت میتران سوپاسگوزارییا خوه‌ بۆ سەرۆک بارزانی و گەلێ کوردستانێ راگەهاند بەرامبەر وێ وەفایا بۆ خانم دانیال میترانێ ھەیی.