ئافره‌تێن دناڤ كه‌مپا هۆل، مه‌ترسیدارترین كه‌سن

هژمارا تاوانێن ل كه‌مپا هۆلا باكوورێ رۆژهه‌لاتێ سووریا ئه‌ڤساله‌ بلندبوویه‌، ئه‌ڤه‌ پشتى هنگى دهێت هژمارا ئافره‌تێن توندره‌و یێن رێكخراوا تیرۆرستیا داعش دناڤ كه‌مپێدا زێده‌بووینه‌.
كه‌مپا هۆل ل پارێزگه‌ها حه‌سه‌كه‌ بوویه‌ مۆلكێ تاوانان، ئه‌و كه‌مپ 60 هزار زارۆك و ئافره‌تێن عیراقى و سوورى و 500 وه‌لاتێن دى ب خوه‌ڤه‌ دگریت.
دڤى بواریدا چاڤدێران هوشداریدا، ئه‌و كه‌مپه‌ ببیته‌ جهێ ڤه‌حه‌واندنا تیرۆرستان و تنێ وه‌ك گوره‌پانه‌كا تاوان نامینیت، ئه‌گه‌رێن وێ ڤه‌دگه‌ریت كو ئافره‌تێن تیرۆرستێن داعش یێن ب مه‌ترسى تێدا هه‌نه‌، ب تایبه‌ت ئه‌و ئافره‌تێن ل باژێرێ باغۆزى سه‌هووریا هاتین.