ئه‌ندامه‌كێ جڤاتا سه‌رۆكاتیا پارتى دیموكراتى كوردستانێ راگه‌هاند: پارتى دیموكراتى كوردستان پرۆژه‌یه‌ك هه‌یه ژبۆ هندێ، كورد ب ئێك ده‌نگ بچنه به‌غدا، و ئاماژه‌كر ب ڤى شێوه‌ى دێ ب هێزتربن، له‌وما بریاره پارتى و ئێكه‌تى ب ئێك ده‌نگ بچنه به‌غدا و دانوستاندنا لدور پێكئینانا حكوومه‌تا نو یا ئیراقێ بكه‌ن.
دكتۆر ئاراس حسۆ میرخان، ئه‌ندامێ جڤاتا سه‌رۆكاتیا پارتى دیموكراتى كوردستان راگه‌هاند: بێگومان به‌رنامه و پروژێ پارتى دیموكراتى كوردستان به‌رى و پشتى هه‌لبژارتنا، كو كورد ب ئێك ده‌نگ بچنه به‌غدا، ژبه‌ركو ل چار سالێن بوورى ژبه‌ركو كورد ئێك نه‌بوون گه‌له‌ك كێشه بۆ درۆستبووینه، ژبه‌ر هندێ وان ل ده‌ستپێكێ بریاردا دگه‌ل ئێكه‌تیێ كۆمبن، دگه‌ل لایه‌نێن دى یێن سیاسى ئێك رێزیێ درووست بكه‌ن، ب ڤى ره‌نگى دێ هێزتر دگه‌ل لایه‌نێن ئیراقێ دانوستاندن و ڕێكه‌فتنێ هێته‌كرن.
وى ئه‌ندامێ جڤاتێ گوتى ژى : هه‌تا نوكه لایه‌نێن دى ژى ب باشى به‌رسڤا داخازیێن پارتى دایه ژبۆ هندێ كورد ئێكرێزبن و ئه‌نجامێن باش هه‌بن، چونكى وان دگه‌ل ئێكه‌تیێ كۆمبوون كریه و به‌رسڤا وان یا باش بوو.
