گویا ئهردى سێ بهرگێن سهرهكى یێن ههین (بهرگێ گازى، بهرگێ رهق، بهرگێ ئاڤى). ژ لایهكێ دیڤه بهرگێ گازى دابهشى چهند تیڤكلێن دى یێن جیاواز دبیت ژوان ( تروپوسفور، ئستراتوسفور و یوبوسفور).پانیا ڤان تیڤكلان پێكڤه كو دورماندورى گویا ئهردى یا دۆرپێچ كرى دگههته سهدان كیلۆمتران.
تروپوسفور تیڤكلێ ژێرى یێ بهرگێ گازى یى و ئهڤه ئهو تیڤكله یی ئهم دناڤدا دژین. پانیا ڤى تیڤكلى ژ ئهردى تا سهرى نێزیكى(12)كیلۆمترانه. ئهو ئالاڤێن كو ب بالونان بۆ پیڤانێن زانستى بۆ بلنداهیا ڤى تیڤكلى هاتینه هنارتن یا سهلماندى كو چهند مرۆڤ بهرهڤ بلنداهیین تیڤكلێ تروپوسفور بچیت پلا گهرمێ نزمتر دبت، و ل جهێن ههرى بلندێن ڤى تیڤكلى پلال گهرمێبۆ(-60)تا(-70) پلهیێن سانتیگراد دادكهڤن.
ههمى دهمان سهقا ل راستگههێن ئهردى گهرمتره، و ئهگهرێ وێ ڤهدگهریت بۆهندێ ژ لایهكیڤه تیشكێن رۆژ ئهردى گهرم دكهن و ژ لایهكێ دیڤه ئهرد گهرماتیا خهزنكرى یا خوه بهرددهت.
