ژ ئەگەرێ هێرشێن موشەکان ل عیراقێ کوێتێ گەشتێن خوە یێن ئاسمانى یێن دگەل عیراقێ راگرتن.
رۆژا ئەینی 28-1-2022، گرۆپێن چەکدار شەش موشەك ئاراستەی بنگەهێ سەربازی یێ ڤیکتۆریا د ناڤ فرۆکەخانا ناڤدەولەتی یا بەغدا داکرن.
ئەو موشەکە ل نێزیکی جهێ راوستیانا فرۆکێن مەدەنی کەڤتینە خوارێ و زیانێن مەزن گەهاندنە ژمارەکا فرۆکان.
ئەڤرۆ شەمبی 29-1-2022، هێلا ئاسمانی یا کوێتێ ل هژمارا خو یا تایبەت ل تویتەری راگەهاند، ل سەر فەرمانا رێڤەبەریا گشتی یا فرۆکەڤانی یا کوێتێ، وان گەشتێن وەلاتێ خوە ب شێوەکێ دەمکی دگەل وەلاتێ عیراقێ راگرتن.
هێلا ئاسمانی یا کوێتێ راگەهاند، ئەگەرێن راوستاندنا گەشتێن ئاسمانی یێن وەلاتێ کوێتێ بۆ عیراقێ ڤەدگەرن بۆ رەوشا نوکە یا عیراقێ.
