ل سالڤەگەرا بیرەوەرییا وەغەركرنا جوانەمەرگ ئیدریس بارزانی، سەرێ رێز و نەوازشێ بۆ گیانێ پاقژێ وی و تەڤایا شەهیدێن بزاڤا ئازادیخوازییا گەلێ كوردستانێ و سەركاروانێ وان بارزانییێ نەمر دچەمینین.
ل ٣١/١/١٩٨٧ دكاودانێن سەخت و دژواردا، بمخابنیڤە سەركردێ ژێهاتی و بلیمەت جوانەمەرگ ئدریس بارزانی مالئاڤاهی كر و ڤالاهییهكا مەزن دناڤا رێزێن بزاڤا ئازادیخوازییا گەلێ كوردستانێدا پەیداکر. ب درێژاهییا شورەشێن ئهیلول و گولانێ وەكو سەركردە و كادر و پێشمەرگە هەردەم دسەنگەرێن پێشیێدا بوویە و ئارمانج هەر تنێ بەرەڤانی كرن بوو ژهەبوونا گەلێ خو و ب دەستڤەئینانا ماف و ئازادییێ، لەوما سەركێشییا دەهان داستانێن مەزن و دیرۆكی كر، ل هەمان دەم دا د بوارێن سیاسی و دبلوماسی و جەماوەری و ئێكگرتنا رێزێن خەلكێ كوردستانێ دا، سەركردەكێ بێ وێنە بوویە و هەر ئەو بو دهاتە نیاسین ب ئەندازیارێ ئاشتییێ.
بیرەوەریهك ب ڤی ئاوای ژ هەژییە ببیتە پالدهرهك ژبۆ پتر مكومكرنا ئێكرێزییا گەلێ كوردستانێ پێخەمەت پاراستنا وان دەستكەفتێن شەهیدێ سەركردە ژیانا خوه بۆ تەرخانكری و میللەتێ مە هزارەها شەهید و پەککەفتی بو پێشکێشکرین زێدەباری هەمی قوربانییێن دیتر.
