سه‌رۆكێ هه‌رێما كوردستانێ ل هه‌ژده‌مین سالرۆژا په‌قینێن ئێكى شوباتێ ل هه‌ولێری راگه‌هاند، بلا بیرئینانا شه‌هیدێن ئێكى شوباتێ پالده‌رێ پێكڤه‌بوون و ته‌بایى و ئێكرێزییا مه‌بیت.
نێچیرڤان بارزانى، سه‌رۆكێ هه‌رێما كوردستانێ ده‌رباره‌ى بیره‌وه‌رییا په‌قینێن ئێكى شوباتێ د توویته‌كى دا نڤیسییه، ب رێز ڤه یادا شه‌هیدێن نه‌مر یێن ئێكى شوباتێ دكه‌ین و سلاڤان بۆ گیانێ وان یێ پاك د هنێرین. كاروانێ خه‌بات و خزمه‌تا وان سه‌ركردێن دلسۆز یێن بووینه قوربانى ده‌ستێ ره‌ش یێ تیرۆرێ یێ به‌رده‌وامه. بلا یادا وان پالده‌رێ پێكڤه‌بوون و ئێكرێزى و ته‌باییا مه بیت.
ئه‌ڤرۆ هه‌ژده سال ب سه‌ر په‌قینێن ئێكى شوباتا سالا 2004ێ ده‌ربازبوون، كۆ تێدا دو خوه‌كوژان رێوره‌سمێن جه‌ژنێ ل لقێ دو یێ پارتى و مالبه‌ندێ سێ یێ ئێكه‌تى كرنه ئارمانجێن دو په‌قینێن خویناوى، و تێدا 103 كه‌س شه‌هیدبوون و 246 كه‌س ژى برینداربوون.
