<h2><span style="font-size: 18pt;">پشتى پهیوهندیا تلهفونی یا سالا بوورى و لسهر داخازا میرێ قهتهرێ شێخ تهمیم بن حهمهد، مهسرور بارزانى سهرۆكێ حكومهتا ههرێما كوردستانێ ئهڤرۆ 15/2/2022 دێ سهرهدانا وهلاتێ قهتهر كهت بۆ ئهنجامدانا چهند كۆمبوونێن بلند و چالاكیان ل رۆژێن 15-16 شواتێ. </span> <span style="font-size: 18pt;">دڤان كومبونان دا دێ چاڤپێكهفتن و كۆمبوون دگهل شێخ تهمیم بن حهمهد ئال ثانی، ئهمیرێ قهتهر و شێخ محهمهد بن حهمهد ئال ثانی، وهزیرێ بازرگانى و پێشهسازى ههروهسا دێ دیدارێ دگهل وەزیرێ وزە و سهرۆكێ جێبهجێكارێ كۆمپانیێن وزا قهتهر</span> <span style="font-size: 18pt;">دهێته زانین كو ئامانجا سهرهكییا سهرهدانێ ئهو بهێزكرنا پهیوهندیێن دناڤبهرا ههردوو ئالیان. وخورتكرنا ههماههنگى دگهل وهلاتێ قهتهر ژبۆ پێشئێخستنا كهرتێ ئابووریێ وبازرگانی دناڤبهرا ههرێمێ وقهتهر ههرێما كوردستانێ. وههولدان بوئینانا وهبهرهێنهرێن قهترێ ژبۆ ئهنجامدانا پروژان ل ههرێما كوردستانێ د بوارێ پیشهسازى جاندنێ دا تایبهت بهرههمێ چاندنا ناڤخۆى ل ههرێما كوردستانێ </span> <span style="font-size: 18pt;">ههر ژ ئارمانجێن گرنگ یێن ڤێ سهردانێ ئهوه ههماههنگیا وهلاتێ قهتهر بۆ پێشڤهبرنا كهرتێ وزێ ل ههرێما كوردستانێ و ب تایبهت كهرتێ پهترۆل و غازێ ومفا وهرگرتن ل مێژوویا قهتهرێ د وارێ بهرههمێن پهترۆلێ دا.</span> <span style="font-size: 18pt;">بهرفرههكرن دروستكرنا پهیوهندى و ئالۆگۆریا خواندنێ و ههماههنگیا زانستى ئێكه ژ ئارمانجاێن دی یێن ئهڤێ سهردانێ.</span> <span style="font-size: 18pt;">دهێته خویاكرن كو ڤهكرنا كۆنسۆلخانا قهتهر ل ههرێما كوردستانێ بهێته پێشنیاركرن.</span> <span style="font-size: 18pt;">ئێك ژتهوهرێن سهرهكی یێن سهرهدانێ گهنگهشه ودانوستاندنن لدۆر چهسپاندنا ئێمناهیێ ل دهڤهرێ نهخاسمه پشتی خورتبونا بزاڤێن گروپێن تیروری.</span> <span style="font-size: 18pt;">دهێته زانێن كو شاندێ دگهل سهروكێ حكومهتا ههرێمێ پێكهاتبیه ژ دارا رشید وهزیرێ پلان دانێ و عبدالله محمود وهزیرێ كاروبارێن شههید ئهنفالكریان و سهفین دزهی بهرپرسێفهرمانگهها پهیوهندیێن دهرڤه.</span></h2>
