ئاژانسا خانى:تایبه‌ت
د. بیكه‌س بریفكانی ڕێڤه‌به‌رێ گشتی یێ شییواران وكه‌لپوری ل پارێزگه‌ها دهوك ڕاگه‌هاند، موزه‌خانا دهوك ل سالا 1989 هاتییه دامه‌زراندن، و ل سالا 1990 ئه‌و پارچێن د ڤێ موزه‌خانێ دا هاتنه ڤه‌گوهاستن بۆ مۆزه‌خانا به‌غدا.
بریفكانی گوت ژى : ئه‌و پارچێن نها د موزه‌خانێڤه ئه‌ون یێن پشتى سالا 2013 هاتینه كومكرن ژ جهێن شینوارى یێن ل سنورێ پارێزگه‌ها دهوكێ دیتین،800 پارچه ژوان شینواران یێن هاتینه نمایشكرن ل موزه‌خانێدا ، و كه‌ڤنترین پارچا شینواران كو نها دموزه‌خانێدا هه‌یه (به‌رێن سوانى نه) یێن مروڤان بكاردئینان ژبو ڤه‌كوشتن و ژێڤه‌كرنا كه‌ڤلێ گیانه‌وه‌ران، ومێژوویا وان ڤه‌دگه‌ریت ژبۆ چه‌رخێ ناڤه‌راست نێزیكى 12 هزار سالانه، هه‌روه‌سان 5 هزار پارچه ژى هه‌تا نوكه نه‌هاتینه نمایشكرن و ل عه‌مبارا موزه‌خانێ ماینه ژبه‌ر نه‌بونا جهێ پێدڤى به به‌رچاڤكرنا وان.
