دبیت گه‌له‌ك كه‌س هه‌تا نوكه نه‌زانن كۆ ئه‌ندازیارێ تاوه‌رێ ئیڤل شوقه‌یه‌كا نهێنى بۆ خوه دناڤ دا درۆستكربوو.
گۆستاڤ ئیڤل، ئه‌ندازیار و ئاڤاكه‌رێ تاوه‌رێ ئیڤل شوقه‌یه‌كا نهێنى یا بچویك بۆ خوه د ناڤ تاوه‌رى دا درۆستكربوو، مه‌ره‌م ژ درۆستكرنا وێ ژى ئه‌و بۆ كۆ ل پێشانگه‌ها جیهانى یا سالا 1889ێ ل پاریس بهێته نیشاندان ل ئاهه‌نگا بیره‌وه‌رییا 100 سالى یا شوره‌شا فه‌ره‌نسى.
ئاڤاكرنا تاوه‌رێ ئیڤل نێزیكى 2 سالان ڤه‌كێشا كۆ ل سالا 1887ێ ده‌ست ب ئاڤاكرنێ هاته‌كرن و ل سالا 1889ێ ب دوماهى هات. بلنداهییا وێ 324 مێته‌رن و پترى 7 هزار ته‌نێن ئاسنى لێ هاتینه مه‌زاختن.
