پەرلەمانتارەکێ پارتی: ھیڤیەک ھەیە ئەڤرۆ کۆمبوونا پەرلەمانی بھێتەکرن

شوان محەمەد روستەم، پەرلەمانتارێ پارتی ل بەغدا بۆ ئاژانسا خانی دیارکر” ژبلی پارتی و حەلبووسی و کۆتلا سەدر چەندین لایەنێن دی بڕیاردایە پشکداری کۆمبوونا ئەڤرۆیا پەرلەمانێ عێراقێ بکەن، ھەتا نیسابا قانوونی بھێتە تەمام کرن بۆ رێڤەچوونا کۆمبوونا پەرلەمانی و دیارکرنا سەرۆک کۆمارێ عێراقێ، بەلێ ھندەک بزاف ھەنە بۆ ڤێ چەندێ کۆمبوونا ئەڤرۆیا پەرلەمانی سەرنەگریت.
ئەڤی پەرلەمانتارێ پارتی گۆت” بەردەوام ئاریشە ل بەرھەڤبوونا پەرلەمانتاران ل ھەموو کۆمبوونان وەسایە پەرلەمانتار درەنگ دگەھنە پەرلەمانی، ئەڤرۆژی وەسابوویە پەرلەمانتار ددەمێ دیارکری نەگەھشتینە پەرلەمانی.
شوان محەمەد روستەم ئاماژەکر” مە ھیڤیەک ھەیە بۆ رێڤەچوونا کۆمبوونا ئەڤرۆیا پەرلەمانێ عێراقێ و دیارکرنا سەرۆک کۆماری، چونکە تەمام نەکرنا نیسابا قانوونی بۆ رێڤەچوونا کۆمبوونا ئەڤرۆیا پەرلەمانی دێ بیتە ئەگەرێ ڤێ چەندێ ئاریشەیێن مەزن بۆ پڕۆسا سیاسی بھێتە چێکرن ل عێراقێ.