د راگەهاندنەکێ دا، نڤیسینگەها محەمەد حەلبوسی، سەرۆکێ جڤاتا نوینەرێن ئیراقێ ئاگەهداریەک بەلاڤکر و راگەهاند، حەلبوسی سەرەدانا خوە یا فەرمی بۆ کومارا ئیسلامی یا ئیرانێ پاشئێخست کو بڕیار بوو سبەهی رۆژا ئێکشەمبیێ ل سەر داخوازا فەرمی یا محەمەد باقر قالیباف، سەرۆکێ جڤاتا نوینەرێن ئیرانێ سەرەدانا وەلاتێ وان بکەت.
دەقێ راگەهاندنا نڤیسینگەها حەلبووسی:
ئاهەهداری:
نڤیسینگەها راگەهاندنا سەرۆکێ جڤاتا نوینەران، ئەڤرۆ شەمبی، هەمی لایەکێ ئاگەهدار دکەت، سەرەدانا محمەد حەلبووسی کو ل سەر داخوازا سەرۆکێ جڤاتا نوینەرێن ئیرانێ، محەمەد باقر قالیباف بۆ کومارا ئیسلامی یا ئیرانێ هاتبوو داخوازکرن هاتە پاشئێخستن، ژ ئەگەرێ دوماهی پێشهاتان و پێگیربوونا پەرلەمانی و دەستوورێ هەردوو لا، دگەل رەوشا ساخلەمیا سەرۆکێ جڤاتا شۆرا یا ئیرانێ.
