چارچوڤێ هه‌ماهه‌نگیێ دێ ده‌ستپێشخه‌ریه‌كا نوى بۆ پرۆسا سیاسى یا عیراقێ كه‌ت.
ل گوره‌ى ده‌نگۆباسه‌كێ میدیایێن عیراقى، ئه‌ڤرۆ ( 31/3/2022 ) عارف حه‌مامى، ئه‌ندامێ چارچوڤێ هه‌ماهه‌نگیێ پێشبینیكریه ل حه‌فتیا بهێت و به‌رى ته‌مامبوونا واده‌یێ یاسایى كۆ رۆژا ( 6/4/2022 ) یه، سه‌رۆك كۆمارێ عیراقێ بهێته هه‌لبژارتن.
ئاشكه‌را ژى كرییه، د چه‌ند ده‌مژمێرێن بهێت دا چارچوڤێ هه‌ماهه‌نگیێ دێ ده‌ستپێشخه‌ریه‌كا نوى بۆ پرۆسا سیاسى یا عیراقێ دیاركه‌ت.
پشتى پاشخستنا كۆمبوونێن ( 26/3/2022 ) و ( 30/3/2022 ) بۆ هه‌لبژارتنا سه‌رۆك كۆمارى ژبه‌ر نه‌ئاماده‌بوونا رێژا یاسایى یا په‌رله‌مانتاران، رێبه‌رێ ره‌وتا سه‌در راگه‌هاند، ئه‌و چ جاران دگه‌ل چارچوڤێ هه‌ماهه‌نگییێ رێكناكه‌ڤیت ژبه‌ركۆ رێكه‌فتن دگه‌ل وان واته ب دوماهى هاتنا وه‌لاتى.
چارچوڤێ هه‌ماهه‌نگییێ ژ هه‌موو لایه‌نێن عه‌ره‌بى یێن شیعه ژبلى ره‌وتا سه‌در پێكدهێت.
