سەرۆکێ کۆمسیۆنێ: پەرلەمانی چ بۆ مه‌ نه‌كرییه‌

سه‌رۆكێ كومسیۆنا بلند یا هه‌لبژارتن و راپرسییێ ل هه‌رێما كوردستانێ كو ده‌مه‌كه‌ ب سه‌رڤه‌چوویى دیار كر: ل سالا 2019 ێ مه‌ نڤیساره‌ك بۆ په‌رله‌مانی هنارت ده‌رباره‌یی ب سه‌رڤه‌چوونا كومسیونێ بۆ وێ چه‌ندێ چاره‌سه‌ریه‌كێ بۆ بكه‌ن و پشتى وێ مه‌ نڤیساره‌كا دى بۆ په‌رله‌مانى ڤرێكر و مه‌ به‌حسێ وێ چه‌ندێ كر كو پشتى كاراكرنا ده‌سته‌یا مافێ مرۆڤى دێ كێشا كومسیۆنێ چاره‌سه‌ركه‌ین” به‌لێ ئه‌وژى نه‌هاته‌ كرن .

 هندرین محمد سالح بۆ مالپه‌رێ ” پ  ، د ، ك” گوت ژى: پشتى نڤیسارا دویێ ژى چ بۆ مه‌ نه‌هاته‌ كرن و پشتى ده‌رچوونا مه‌رسومێ سه‌رۆكاتییێ بۆ ئه‌نجامدانا هه‌لبژارتنان مه‌ جاره‌كا دى نڤیسار بۆ په‌رله‌مانى هنارت بۆ وێ چه‌ندێ كو كێشا كومسیۆنێ چاره‌سه‌ر بكه‌ن به‌لێ نوكه ‌ژى چ نه‌هاتییه‌ كرن و ئه‌م ژى نه‌شێن چ كاره‌كى بكه‌ین هه‌تا كێشا كومسیۆنێ ئێكلا نه‌بیت.