حكومه‌تێ 99 ملیون دینار ته‌رخانكرینه‌ بو ژناڤبرنا كێزا سنكی ل دهوكێ

صلاح عادل رێڤه‌به‌رێ پاراستنا رووه‌كى ل چاندنا دهوكێ تاییبه‌ت بۆ ئاژانسا خانى راگه‌هاند، كێزا سنكێ هه‌رسال ل ڤى ده‌مى ده‌ردكه‌ڤیت، لێ د نوكه‌دا‌ ده‌ستپێكا په‌یدابوونا وێ یه ول هنده‌ك ده‌ڤه‌ران په‌یدابوویه‌ وه‌كی ئاكرێ و به‌رده‌ره‌ش، و ل هنده‌ك ده‌ڤه‌ران مینا سێمێلێ و ده‌شتێ هێشتا نه‌ده‌ركه‌فتیه‌.

رێڤه‌به‌رێ پاراستنا رووه‌كى ئاماژه‌ ب هندێ ژى كر، ئه‌گه‌ر هات و هژمارا وێ زوربوو دێ زیانه‌كا مه‌زن لسه‌ر گه‌نمێ جوتیاران هه‌بیت.

دیارژى كر، كو حكومه‌تا هه‌رێما كوردستانێ كوژمه‌كێ پاره‌ى ته‌رخانكریه‌ بۆ ژناڤبرنا ڤێ كێزێ، وبه‌هرا پارێزگه‌ها دهوكێ 99 ملیون دینارن ودێ لسه‌ر جوتیاران هێته‌ دابه‌شكرن بۆ هاریكاریا وان بو ژناڤبرنا ڤێ كێزی.

گوت ژى: هه‌رسال دڤى ده‌مێ سالێ ل سه‌رانسه‌رى پارێزگه‌ها دهۆكێ ب قه‌زا و ناحیێن خوڤه‌ لیژنه‌ دهێنه‌ پێكئینان، و سه‌ره‌دانا دكه‌ن بو لێنێرینا كێزا سنكى ودیاركرنا زیانێن وێ.