ئاژانسا خانی: تایبەت
ل پارێزگەھا مووسل ب ھزاران کەسان ناڤێن خۆ بۆ قەرەبووکرنا زیانێن سەردەمێ داعش تۆمارکریە و جێگرێ پارێزگاری ژی ئاشکراکر، ھەتا نوکە تنێ ١٥ ھزار ھاتینە قەرەبووکرن.
رفعت سمۆ، جێگرێ پارێزگارێ مووسل بۆ كاروبارێن كارگێری بۆ ئاژانسا خانی دیارکر” پشتی ئازادکرنا مووسل لبن دەستێ چەکدارێن تیرۆرستێن داعشێ دەست ب پڕۆسا تۆمارکرنا زیانڤێکەفتیێن سەردەمێ داعش ھاتیەکرن و ھەتا نوکە ھزاران سکالا ژلایێ وەلاتیێن مووسل ھاتینە تۆمارکرن و داخوازا قەرەبووکرنێ دکەن ل ھەمبەر ئەڤان زیانێن سەردەستێ چەکدارێن داعش گەھشتینە وان.
رفعت سمۆ ئاشکراکر” ھەتا نوکە تنێ ١٥ ھزار کەس ل مووسل ھاتینە قەرەبووکرن ژلایێ حوکمەتا بەغداڤە و بڕیارە پڕۆسا قەرەبووکرنێ ھەموو زیانڤێکەفتیێن مووسل ڤەگریت، بەلێ ژبەر نەبوونا بودجەی پرۆسا قەرەبووکرنێ گیرۆبوویە و پارێ ژبۆی قەرەبووکرنێ ھاتیە تەرخان کرن ھەر بودجێ پارێزگەھا مووسلە.
