رێکخراوا بازرگانییا جیهانی هۆشدارییێ ده‌ربارەیی سەرهەلدانا قەیرانا خوارنێ دده‌ت

رێكخراوا بازرگانى یا جیهانى” هوشداریێ دده‌ت كو شه‌رێ دناڤبه‌را رووسیا و ئوكرانیا هیڤێین بازرگانى یێن جیهانى داكه‌فتینه‌ و بها بلند كرینه‌ بۆ سه‌ر ستاندا‌ردێن نیڤده‌وله‌تى.

ئه‌گوزى یوكانجۆ وه‌یلا سه‌رۆكێ رێكخراوا بازرگانیا جیهانى دیار كر: كاریگه‌رییه‌كا ژنشكه‌كێ ڤه‌ ل سه‌ر ئابووریا جیهانى ده‌ركه‌فتییه‌ ‌و بلندبوونا بهایێن كه‌لوپه‌لان و وزێ و ئه‌و كانزایێن كو ژ رووسیا و ئوكرانیا به‌رهه‌م دهێن .

 رێكخراوا بازرگانیا جیهانى پێداچوون د پێشبینیێن خوه‌ دا بۆ گه‌شه‌یا بازرگانیا جیهانى كرییه‌ و دبێژیت” ل سالا 2022 ێ دا قه‌بارێ بازرگانییا جیهانى ب تنێ ب رێژا 3% ێ گه‌شێ دكه‌ت د ده‌مه‌كى دا كو دبه‌رێ دا راگه‌هاندبوو ئه‌و رێژه‌ 4.7% ێ یه‌.

ئه‌و رێكخراوه‌ دبێژیت ژى: لدوووڤ ڤه‌كۆلینان بۆ وان دیاربوویه‌ كو د ده‌مێ قه‌یرانان دا دڤێت قه‌بارێ بازرگانى زێده‌ بیت بۆ قه‌ره‌بوویا كێم و كاسیان” هه‌روه‌سا دڤێت بهێنڤه‌دانه‌كێ وه‌رگرین وهه‌ناسه‌‌كێ هه‌لكێشین و هزر د پێشڤه‌برنا هاریكارییا چه‌ند لایه‌نێن دناڤبه‌را وه‌لاتان  دا بده‌ین .

د هه‌مان ده‌مدا دڤێت چاڤخشاندنه‌كێ د وێ چه‌ندێ دا بكه‌ین كو سیسته‌مێ بازرگانى یێ چه‌ند لایه‌نێن نێڤده‌وله‌تى دا نوكه‌ دشێن چ بۆ مه‌ بكه‌ن. لدوووڤ رێكخراوا بازرگانیا جیهانى ژ ئه‌گه‌رێ شه‌رێ رووسیا و ئوكرانیا خزمه‌تگوزارییا بازرگانى ل جیهانێ زیانێن مه‌زن به‌ردكه‌ڤن و گه‌شه‌یا ئابووریا جیهانى ژى ب رێژا 1.3% ێ دادكه‌ڤیت.