<h2 style="text-align: justify;"><span style="font-size: 18pt;">ئاژانسا خانی: تایبەت</span> <span style="font-size: 18pt;">وەزارەتا بازرگانیا عێراقێ ھەتا نوکە تنێ ٢٥%ێ بەھرا ئێکێ یا ئارێ ھەرێما کوردستانێ ھنارتیە کۆگەھێن ھەرێمێ و جێگرا سەرۆکا لیژنا پیشەسازی ژی ئاشکراکر، نێزیک دێ ئارێ پێدڤی بۆ بەلافکرنێ بگەھیتە پارێزگەھێن ھەرێما کوردستانێ.</span> <span style="font-size: 18pt;">گولیزار سندی، جێگرا سەرۆکا لیژنا پیشەسازی لپەرلەمانێ کوردستانێ بۆ ئاژانسا خانی دیارکر" ئارێ پێدڤی ژلایێ حوکمەتا عێراقێ ناگەھتە ھەرێما کوردستانێ و ل پارێزگەھێن ھەرێمێ ھێشتا تنێ ٢٥%ێ یا بەھرا ئارێ ھەیڤا ئێک یا ئەڤسالە گەھشتیە ھەرێما کوردستانێ، ئەڤە ددەمەکی دایە ل باشوورێ عێراقێ کار بۆ بەلافکرنا حسا سێی دھێتەکرن یا ئارێ بەلافکرنێ.</span> <span style="font-size: 18pt;">گولیزار سندی گۆتژی" مە پەیوەندی ب وەزارەتا بازرگانیا عێراقێ کریە و داخوازکریە مینا پارێزگەھێن ناڤەڕاست و باشوورێ عێراقێ بەھرا ھەرێما کوردستانێ بھێنە ھنارتن، بریکارێ وەزارەتا بازرگانیا عێراقێ ئەم پشتڕاستکرینە، کو ئارەکێ زۆرێ ئوستڕالی گەھشتیە عێراقێ و بەھرا ھەرێما کوردستانێ بۆ پارێزگەھێن ھەولێر و دھۆک و سلێمانی ژی زێدەتری شەش ھزار تەنێن ئارینە و دێ ھێتە ھنارتن بۆ کۆگەھێن پارێزگەھێن ھەرێمێ.</span></h2>
