خانی نیوز:
وه‌زیرێ ساخله‌میا توركیا راگه‌هاند، د ده‌مێ بیست و چار سه‌عه‌تێن بۆرى دا حه‌فتێ و چار كه‌سان ب ڤایرۆسێ كۆرۆنایێ گیانێن خوه ژ ده‌ستداینه.
فه‌خره‌ددین كۆجا، د تویته‌كى دا راگه‌هاند، بیست و چار سه‌عه‌تێن بۆرى سه‌د و پازده هزار و نه‌هسه‌د و حه‌فتێ و پێنج پشكنین ل سه‌رانسه‌رى توركیا هاتینه كرن، ژ وانا دوهزار و سه‌د و شێست و پێنج كه‌س تووشى كۆرۆنایێ بووینه، حه‌فتێ و چار كه‌سان ژى گیانێ خوه ژده‌ست دایه، هزار و چارسه‌د و نۆت و سێ كه‌س ژى جاكبووینه.
وه‌زیرێ ساخله‌میا توركیا راگه‌هاند ژى، هه‌ژمارا گشتیا كه‌سێن ب ڤایرۆسێ كۆرۆنایێ ل توركیا گیانێن خوه ژ ده‌ست داین، گه‌هشتیه نه‌هـ هزار و شه‌شسه‌د و پێنجى و هه‌شت كه‌سان، هه‌ژمارا تووشبوویان ژى گه‌هشتیه سێسه‌د و پێنجى و حه‌فت هزار و شه‌شسه‌د و نۆت و سێ كه‌سان.
