شیره‌تكارێ سه‌رۆك بارزانى، پشكه‌كا لایه‌نێن سیاسى تاوانبار كرینه ب به‌لاڤكرنا زانیارێن نه‌راست سه‌باره‌ت پرۆژه‌قانوونا بودجا سالا 2021ێ و راگه‌هاند، پشكا هه‌رێما كوردستانێ 6% هاتیه ده‌ستنیشانكرن.
مه‌سعوود حه‌یده‌ر راگه‌هاند : ل سه‌ر زارێ پشكه‌ك ژ سیاسێن ئیراقێ گوهـ لێبوویه، كو پرۆژه‌یه‌كێ نشتیمانى نینه بۆ خزمه‌تكرنا پارێزگه‌هێن ناڤه‌راست و باشوورى، به‌راورد دگه‌ل پشكا هه‌رێما كوردستانێ، ئه‌ڤه ژى ژ ئه‌نجامێ تێنه‌گه‌هشتنا وانه كو كوردستان هه‌رێمه‌كا فیدرالییه ب حكومه‌ت و وه‌زاره‌ت و په‌رله‌مان و چێنابیت بهێته به‌راوردكرن ب پێكهاته و ئیداره‌ێن پارێزگه‌هان، بودجه ژى ل سه‌ر بنه‌مایێ ده‌ستوورێ ئیراقێ هاتییه ته‌رخان كرن.
د بودجا ئیراقێ دا پشكا هه‌رێما كوردستانێ ژ هه‌شت ترلیون دیناران ده‌رباز نابیت ب مووچێ فه‌رمانبه‌ران ژی ڤه.
مه‌سعوود حه‌یده‌ر گۆتى ژى: ئه‌و زانیاریێن ل سه‌ر پرۆژه‌قانوونا بودجا 2021ێ ئاماژه پێ هاتییه كرن راست نینن، بتنێ موچێ فه‌رمانبه‌ران و چاڤدێریا جڤاكى و ئه‌نجامێ گشتیێ بودجێ 101-107 ترلیۆن دینارن، پشكا هه‌رێما كوردستانێ ژى ژ هه‌شت ترلیۆن دیناران ده‌رباز نابیت و ب مووچێ فه‌رمانبه‌ران ڤه ژى دگه‌هیته 6% ژ سه‌رجه‌م بودجا ئیراقێ.
ئاماژه ب وێ یه‌كێ ژى كر كو ل ئیراقێ ئێك ملیۆن به‌رمیلێن په‌ترۆلێ بۆ بكارئینانا ناڤخۆیى دهێته بكارئینان، بێى كو ج رێژه‌ك بۆ پارێزگه‌هێن كوردستانێ بهێته ته‌رخانكرن، ئه‌و په‌ترۆله‌ه ژى سالانه ب 20 ترلیون دیناران دهێته خه‌ملاندن.
