ب مه‌رسوومه‌كێ سه‌رۆكاتیا هه‌رێما كوردستانێ، سه‌رۆكێ ده‌سته‌یا ئه‌ركانێن وه‌زارتا پێشمه‌رگه‌یى فه‌ریق روكن عیسا عه‌زیز ل جهێ فه‌ریقێ ئێكێ جه‌مال محه‌مه‌د ده‌ست ب كاربوو” فه‌ریقێ ئێكێ جه‌مال محه‌مه‌د ئه‌ڤه 12 ساله د وی پۆستی دا و نوكه دووماهی ب ئەرکێن وی نه‌هاتییه و ناهێته خانەنشین کرن.
وه‌زاره‌تا پێشمه‌رگه‌یى یا حكومه‌تا هه‌رێما كوردستانێ دیار كرییه، ئه‌ڤرۆ دوشه‌مبی 13/6/2022 ێ ” ب ئاماده‌بوونا شۆرش ئیسماعیل وه‌زیرێ پیشمه‌رگه‌یى، رێبه‌ر ئه‌حمه‌د، وه‌زیرێ ناڤخۆ، سه‌ربه‌ست له‌زگین، بریكارێ وه‌زاره‌تا پێشمه‌رگه‌یى، د. نه‌جات عه‌لى، فه‌رماندێ یه‌كه‌یا 80 وێ و شێخ سیهاد بارزانى، فه‌رماندارێ هێزێن پێشته‌ڤانیا ئێك و ئه‌فسه‌رێن پله بلندێن وه‌زاره‌تێ د مه‌راسیمه‌كى دا ئاماده‌بوون كو تێدا فه‌ریق روكن عیسا عه‌زیز ل جهێ فه‌ریقێ ئێكێ جه‌مال محه‌مه‌د ده‌ست ب كاربوو.
وه‌زاره‌تا پێشمه‌رگه‌یى ئاشكرا كرییه: ئه‌و گوهۆڕین وه‌ك نووكرنا پۆستێن سه‌ربازى و پره‌نسیپێن سه‌ربازینه بۆ ب هێزكرنا شیانێن سه‌ربازى ل وه‌زاره‌تا پێشمه‌رگه‌یى.
