زێدهبوونا ههڤژینییا ژییێ دبن 18 سالییێ دا سندووقا نهتهوهیێن ئێكگرتى بۆ ئاكنجییێن عیراقێ (UNFPA ) پالدایه كونكگرهیهكێ نیشتیمانى بۆ روبروبوونا ههڤژینییا پێشوهخت رێكبێخیت، و ل دۆڤ راپۆرتێن هاتینه ئامادهكرن 25.5% یا كچێن عیراقێ دبن 18 سالییێ دا ب زوورى د دهنه شوى و رێژا ههرێما كوردستانێ ژ 22%كێمتره.
شیرهتكارێ سندوقا نهتهوهیێن ئێكگرتى بۆ ئاكنجییان مههدى عهلاق دیاركر، ئهگهرێ سهرهكى یێ زێدهبوونا ئهڤێ دیاردێ ئهوه كو كچ خواندنێ ل قۆناغێن ناڤنجى و كولیژان دهێلن، و پشتى ژییێ 15 سالییێ دهمێ خواندنێ دهێلین، وهسا هزردكهن كو دهرفهتهكا باش بۆ شویكرنێ هاتییه پێشییا وان، و بههرا پترا وان ههڤژینیێن پێشوهخت ژ دهرڤهى دادگههان دهێنه تۆماركرن و شێخ و مهلا پشتبهستن ب دهقێن ئاینى پشتهڤانییا ئهڤێ جورێ ههڤژینییێ دكهن.
ل دۆڤ قانوونا جزایان ل عیراقێ، جزایێ شویدانا كچێ ل ژییێ دبن 15 سالییێ دا ژ دهرڤهى دادگههێ، شهش مههێن زیندانكرنێ و دانا كوژمێ 200 هزار ههتا ئێك ملیۆن دینارایه.
