مەسرور بارزانی، بزاڤەکا مەزن دهێتە کرن پێشکەفتن و ئاڤەدانکرنا کوردستانێ بهێتە راوستاندن

 مەسرور بارزانی سەرۆکێ حکومەتا هەرێما کوردستانێ، پشکداری د دەرچوونا قوتابیێن زانکۆیا دهۆک یێن گەرێن 25 و 26ێ دا کر و د گوتارا خودا داخازییەک ژ قوتابییان کر و راگەهاند،” ئەم هەمی دزانین بزاڤەکا مەزن دهێتە کرن پێشکەفتن و ئاڤەدانکرنا کوردستناێ بهێتە راوستاندن، خەلکەکێ زوور یێ هەی چاڤێن وان ب سەرکەفتن و پێشکەفتنا کوردستانێ نا رابن، لەوران ژی هەمی بزاڤان دکەن هەوە بێ هیڤی و بێ ئومێد بکەن و وەلاتێ هەوە لبەر دلێ وە رەش بکەن، ئەز داخواز ژ هەوە دکەم، بەرسڤان ڤان جۆرە پرۆپاکندا نەدەن و د خۆ راگربن ل بەرامبەر ڤان کەسان، وەسان دیار بکەن هین خودانێن ڤی وەلاتینە و هین ب دەستێن خۆ دێ ڤی وەلاتی زێدەتر ئاڤا کەن و بەرڤ پێشڤە بەن.”