بهێنڤه‌دانا هاڤینێ یا په‌رله‌مانێ كوردستانێ دێ ده‌ستپێكه‌ت

ئاژانسا خانی  ، تایبەت:

بڕیارە ل دووماھیيا ڤێ ھەیڤێ پەرلەمانێ کوردستانێ بکەڤیتە بھێنڤەدانا ھاڤینێ و ئەندامەکا لژنا یاسایی ژی دبێژیت، هه‌كه‌ دو ھەیڤا پەرلەمان بێھنا خۆ ڤه‌دەت ب تنێ ئێک ھەیڤ دێ ژ ژییێ ڤێ خۆلا پەرلەمانی مینیت.

خەدیجە عومەر، ئەنداما لژنا یاسایی ل پەرلەمانێ کوردستانێ بۆ ئاژانسا خانی دیار کر” بڕیارە ل دەستپێکا ھەیڤا بهێت پەرلەمانێ کوردستانێ بکەڤیتە بھێنڤەدانا ھاڤینێ و ھەتا دەستپێکا ھەیڤا ئیلۆنێ دێ دەست ب کۆمبوونێن خۆ کەت و وەرزێ پاییزێ یێ دانانا یاسایان دێ ھێتە دەستپێکرن، بەلێ چەندین پڕۆژە یاسایێن گرنگ نوکە لبەر دەستێ پەرلەمانی ماینە و دیار نینە دێ بھێنڤەدان ھێتە درێژ کرن یان ژی وەک خۆ دو ھەیڤان پەرلەمان بێهنا خۆ دەت.

ناڤهاتییێ گۆت ژی” هه‌كه‌ بھێنڤەدانا پەرلەمانی نەھاتە درێژ کرن، ل وەرزێ دویێ ب تنێ ئێک ھەیڤ لبەر دەستێ پەرلەمانی دمینیت بۆ پەسەندکرنا ھژمارەکا یاسایێن بەرھەڤکری، چونکی ئەگەر ھەلبژارتن ١ی ھەیڤا ئۆکتۆبەرێ بھێنە ئەنجامدان” ب تنێ ھەیڤا ئیلۆنێ دەلیڤە مایە بۆ ڤێ خۆلا پەرلەمانی.