لدووڤ ئامارێن رێكخراوا (هه‌نگاو) یا تایبه‌ت ب مافێن مروڤی، دماوێ شه‌ش هه‌یڤێن بوریدا ده‌زگه‌هێن هه‌والگیریا كۆمارا ئیسلامی یا ئیرانێ 94 چالاكڤانێن كورد ل سه‌رانسه‌ری ئیرانێ ده‌سته‌سه‌ركرینه، پرانیا وان ب ئه‌گه‌را ئه‌نجامدانا چالاكیێن سیاسی هاتینه گرتن.
رێكخراوا (هه‌نگاو) دیاركرییه: ژ 94 چالاكڤانێن كورد 4 ئافره‌تن و دوو گه‌نجن و ژیێ وان لژێر 18 سالیێ داینه و 49 ژ وان ماموستایێن قوتابخانه‌یانه.
رێكخراوا تایبه‌ت ب مافێن مروڤی دیاركرییه: 57 كه‌س ژ وان دناڤ مالێن واندا هاتینه گرتن، پرانیا وان خه‌لكێ پارێزگه‌ها سنه‌نه كو ژمارا وان دگه‌هیته 68 كه‌سان و پرانیا وان ب رێكا ئتیلاعاتێ هاتینه ده‌سته‌سه‌ركرن.
