بهەلکەفتا دەربازبوونا سێ سالان لسەر کابینا نەهێ یا حکومەتا هەرێما کوردستانێ، قوباد تالەبانی، جێگرێ سەرۆکێ حکومەتا هەرێما کوردستانێ گوتارەک پێشکێشکر.
دەقێ گوتارێ:
بنەمایێ کارناما کابینا نەهێ یا حکومەتا هەرێما کوردستانێ، خزمەتکرن و چاکسازییە، د ڤی چوارچوڤەیدا من و نڤیسینگەها من، دەست بۆ چەند ملەفان بریە کو دێ خزمەتێ ب وێ ئارمانجێ گەهینیت.
بەردەوام بووین د بجهئینانا پرۆگرامێ بایۆمەتری کو د ڤێ کابینێ دا ب خۆشحالیڤە قوناغا دووێ یا بایۆمەتری دەستپێکر، قۆناغا دووێ یا بایومەتری پێکهاتییە ژ رێکخستنا میلاکێن هەموو حکومەتا هەرێما کوردستانێ، د ڤی چارچوڤەی دا، مە بۆ هەر مووچەخورەکێ هەرێمێ ژمارەیا کەسی و تایبەت پێشکێشکر، ئەو ژمارەیە دێ بیتە دەستپێکەک بۆ حکومەتەکا ئەلکترونی، کو سبەهی هەر مووچەخورەک بشێت ب رێیا وێ ژمارێ چەندین خزمەتگوزارییان ب دەستڤە بینیت.
کو ئەم بەرەڤ حکومەتەکا دیجیتالڤە دچین، ئەو خزمەتگوزارییێن کو ئەم پێشکێشی وەلاتییان دکەین، دێ باشتر و بلەزتر و شەفافتر بن، بەرنامێ خزمەت کو بەرنامەکێ حکومەتا هەرێما کوردستانێ یە، دڤێ کابینێ دا گرنگی پێ هاتیە دان، بەرنامێ خزمەت پێکهاتییە ژ پێداچوونا هەمی وان خزمەتگوزارییێن کو حکومەت پێشکێشی وەلاتییان دکەت، کو تا نوکە زێدەتری 490 خزمەتگوزارییێن تاک و تایبەت دناڤبەرا حکومەت و وەلاتییان دا هەیە، مە داخواز ژ هەمی وەزارەتان کرییە پێداچوونێ بۆ هەمی خزمەتگوزارییان بکەن، دا کو ئەو خزمەتگوزاری بلەزتر و شەفافتر و باشتر بگەهنە وەلاتییان، ئەڤ خزمەگوزارییێن کو د پۆرتالێ خزمەت دا هاتینە کۆمکرن، هەمی هاتینە یەکسانکرن، تا کو خزمەتەک ل دهۆکێ ب هەمان رەنگێ ل سلێمانییێ بهێتە پێشکێشکرن، ئەڤرۆ ئەو پۆرتالە ب زمانێن کوردی و عەرەبی و ئینگلیزی د ئینتەرنێتێ دا، لژێر ناڤونیشانێ خۆ یێ بەردەستە، ئەڤ بەرنامەیە دێ بیتە دەستپێکەک بۆ حکومەتەکا ئەلکترۆنی، کو دێ روتینێ کێم کەت و شەفافیەتێ زێدە کەت، هەر د چاچوڤێ پرۆگرامێ خزمەت دا، مە پێداچوونەکا سەرتاسەری بۆ شێوازێ تومارا کۆمپانیا ل هەرێما کوردستانێ کرییە، کو پێشتر پڕۆسەکا زۆر ئاڵۆز و دەستی بووە کو نوکە ب دیجیتاڵکرنا ڤێ پڕۆسێ مە شیایە تۆمارا کۆمپانیا بگەهینینە لەزاتیێ، ئەڤەژی نە بتنێ دێ روتینێ کێم کەت، پێنگاڤەکا گرنگە ژی بۆ بهێزکرنا ئابوورێ هەرێما کوردستانێ.
ئەڤەژی پشکەکن ژ چاکسازییان، بەلێ ب دوماهی ناهێن، بهەڤکارییا چەند وەزارەتێن دی مە هندەک چاکسازییێن دی ژی ئەنجامداینە، کو دێ خزمەتەکا باشترە گەهیننە تەڤایا خەلکێ کوردستانێ، ئەم هەمی دزانین کو نە هەڤسەنگییەک هەیە د ناڤبەرا وان ئمتیازاتێن کو د کەرتێ حکومەتێ و کەرتێ تەیبەت دا هەین، لەورا ب پەسەندکرنا یاسایا کار، مە پشکەک ژ نە هەڤسەنگییێ رێکخستیە، ئەڤرۆ ل ژێر چەترا یاسا کارێ نوو یێ هەرێما کوردستانێ، ئمتیازەکا زێدەتر دێ ب کارمەندێن ل کەرتێ تایبەت کار دکەن هێتە دان و دهەمان دەم دا دێ مافێ وان ژی یێ پاراستی بیت، ل پشت یاسایا کار، مە کار بۆ پەسەند کرنا یاسا دەستبەرییا کۆمەلایەتی و خانەنشینی کرییە، ئەڤەژی د هەمان دەم دا دێ پاراستنەک بیت بۆ وان کارمەندێن ل کەرتێ تایبەت کار دکەن و بۆ وان کەسێن لبن رێژەیا هەژارییێ دابن.
بمخابنیڤە ل هەرێما کورتدستانێ ئەم یێ دبینین رێژەیا توندوتیژیێ بەرامبەر ژنان زێدەبوویە، بۆ بەرهەنگاربوونا ڤێ دیاردێ، حکومەتا هەرێماکوردستانێ گرنگەیەکا زێدەتر ب رێکارێن بەرهەنگاربوونا توندوتیژیا دژی ژنان و خێزانێ دایە و مە هەموارا یاسا بەرهەنگاربوونا توندوتیژییێ پەسەندکرییە، مە گرنگییەکا زێدەتر و هێزەکا زێدەتر دایە رێڤەبەرییا گشتیی یا بەرهەنگاربوونا توندوتژییا خێزان و ژنان، مە پشتەڤانییەکا زێدەتر یا هێزێن ئەمنی و دادگەهان کریە بۆ بەرهەنگاربوونا زێدەبوونا دیاردا توندوتیژییا دژی خێزانێ.
راستە مە پێدڤی ب حکومەتەکا توکمە هەیە، مە پێدڤی ب حکومەتەکێ هەیە کو رێنماییێن وێ بساناهی بن و بهێنە بجهئینان و د کارا بین و د کاریگەر بین، بەلێ مە هەمییان دڤێت د کوردستانەکێ دا بژین کو شانازییێ پێ بکەین.
لەورا پاراستن و یەکسانی دناڤبەرا ژنان و زەلامان دا ل هەرێما کوردستانێ، ئێک ژ ئەولەویەتانە و دێ هەمی کاران ژ پێخەمەت ئەنجامدەین.
لەورا پشتی سێ سالێن کارکرنێ د کابینا نەهێ دا، ئەز دشێم بێژم کو مە ئەنجامێن باش داینە، ژ پێخەمەت خزمەتکرنێ و ژ پێخەمەت چاکسازییێ.
بەلێ گەلەک کار ماینە ژی کو بهێنە کرن، ژبەر هندێ ئەو سالا کو مە مای، دێ هەمی بزاڤان کەین بۆ تمامکرنا وان چاکسازییان و دەستپێکرنا چاکسازیێن دی دێ تەرخان کەین، کو بشێین پێکڤە باشتر خزمەتا گشت خەلکێ کوردستانێ بکەین و حکومەتا مە کاراتر و باشتر بکەین.
