عێراق و سعوودییە دو رێككەفتن بۆ پێكڤە گرێدانا تۆڕا كارەبێ ئیمزا كرن

وەزارەتا كارەب و پەترۆلا عیراقێ، د چارچوڤێ كۆمبوونا گوپیتكا ئاسایش و گەشەپێدانا جه‌ددە، كو شانشینێ سعوودیە مێهڤاندارییا وان كریە، دو رێككەفتن بۆ پێكڤە گرێدانا كارەبێ ئیمزاكرن.

ئێكەم رێككەفتن دناڤبەرا وەزارەتا كارەبا عیراقێ و دەستهەلاتا كارەبێ ل جڤاتا هاریكارییا كەنداڤی هاتە ئیمزا كرن، دێ تۆرا پێكڤە گرێدایی یا كەنداڤی و تۆرا كارەبا باشوورێ عیراقێ پێكڤە گرێدەت.

ئەو رێككەفتن ژ لایێ نایف عەبادی سەرۆكێ دەستەییا دەستهەلاتا پێكڤەگرێدانا كارەبا كەنداڤی و عادل كەریم وەزیرێ كارەبا عیراقێ هاتیە ئیمزا كرن.

رێككەفتنا وان پێكدهێت ژ دروستكرنا هێلا پەیوەندییا كارەبێ ل وێسگەها دەستهەلاتا كوێتێ بۆ وێسگەها ئەلفاو ل باشوورێ عیراقێ، بۆ دابینكرنا نێزیكی 500 مێگاواتێن وزێ بۆ باشوورێ عیراقێ ل وەلاتێن جڤاتا هاریكارییا كەنداڤی.

پێشبینی دهێتە كرن ئەو هێلێن نوو یێن كارەبێ نێزیكی 24 هەیڤان بمینن و سەرجەمێ گشتی 1800 مێگاواتێن كارەبێ بەرهەمبینن.

رێككەفتنا دووێ ژی ژلایێ شەهزادە عەبدولعزیز كورێ سەلمان كورێ عەبدولعەزیزی، وەزیرێ وزا سعوودیە و ئیحسان عەبدولجەبار هەفكیفێ وی یێ عیراقی هاتە ئیمزا كرن، رێككەفتنا وان راپورتەكا بجهئینانێ بخوە ڤە گرتبوو لسەر بنەمایێن پەیوەندییا كارەبێ دناڤبەرا ریاز و بەغدا، هەروەسا پەیوەندییا كارەبا دناڤبەرا هەردو لایان دا پیكدهێن ژ پەیوەدیێن دناڤبەرا عەرار و یوسفیە ل نێزیك بەغدا، و دشێن 1000 مێگاواتان ب ڤۆلتیا 400 كیلۆڤۆلت، ب درێژیا 435 كم بەرهەمبینن.