كان : رۆنالدۆ دگه‌ل پلانێن مه‌ ناگونجیت

سه‌رۆكێ بجهئینانێ ل یانه‌یا بایرن میۆنخ یا ئه‌لمانى ئولیڤه‌ر كانى راگه‌هاند، ستێرا پورتۆگالى كریستیانۆ رۆنالدو دپلانێن واندا نینه‌، و خه‌ونا وان گرێدانا هه‌ڤبه‌ستا هارى كینى یه‌… كانى بۆ رۆژنامه‌یا بێلد یا ئه‌لمانى دیاركر، ئه‌و حه‌ژ رۆنالدوى دكه‌ت و هه‌موو دزانن كو یاریكه‌ره‌كێ زیره‌كه‌، لێ هه‌ر یانه‌یه‌كێ سیاسه‌تا خوه‌ هه‌یه‌، و گرێدانا هه‌ڤبه‌ستا وى دگه‌ل هزر و پلانێن بایرن میۆنخێ ناگونجیت، ژلایه‌كێ دیڤه‌ ئولیڤه‌ر كانى ل دوور هێرشبه‌رێ ئنگلیزى هارى كینى ئاشكراكر، بێ گومان كین هێرشبه‌ره‌كێ مه‌زنه‌ و ب هه‌ڤبه‌سته‌كێ دگه‌ل تۆتنهامێ هاتییه‌ گرێدان، لێ دێ هه‌ر مینیت خه‌ونا وان بۆ پاشه‌رۆژێ، و نوكه‌ ئه‌و كار ل سه‌ر بهێزكرنا تیمێ بۆ وه‌رزێ بهێت دكه‌ن.