ئه‌ڤرۆ 19ى ته‌موزا 2022ێ سه‌رۆك بارزانى ل سه‌لاحه‌ددینێ پێشوازى ل بالیۆزێ فره‌نسا ل عیراقێ ئێریك شۆڤالییێ كر.
د دیداره‌كێ دا ب به‌رهه‌ڤبوونا كۆنسۆلێ گشتى یێ فره‌نسا ل هه‌ولێرێ، ره‌وشا سیاسى یا عیراقێ و دووماهى پێشهاتێن پرۆسه‌یا سیاسى یا عیراقێ و پێكئینانا حكومه‌تا نوو هاتنه گوتوبێژكرن، هه‌روه‌سا به‌حس ل ره‌وشا شنگالێ و ژیانا ئاواره‌یان و پێدڤییا بجهئینانا رێككه‌ڤتنا شنگالێ هاته كرن.
هه‌ر دوێ دیدارێ دا ئاماژه ب دووماهى دانوستاندنێن تله‌فونى دناڤبه‌را سه‌رۆك بارزانى و سه‌رۆكێ فره‌نسا ئیمانوێل ماكرۆنى دا هاته دان، و دووپاتى ل به‌رده‌وامییا هه‌ماهه‌نگییا دناڤبه‌را حكومه‌تا فره‌نسا و حكومه‌تا هه‌رێما كوردستانێ دا هاته‌كرن.
