سەرۆکێ حکومەتا هەرێما کوردستانێ ل گه‌ل سەرۆکێ جڤاتا بلندا دادوەرییا عێراقێ کۆمبوو

سەرۆکێ حکومەتا هەرێما کوردستانێ، ل گەل سەرۆکێ جڤاتا بلندا دادوەرییا عێراقێ کۆمبوو

د سەره‌دانا خۆ دا بۆ بەغدا، مەسرور بارزانی سەرۆکێ حکومەتا هەرێما کوردستانێ، ئەڤرۆ شەمبییێ 23 تەموزا 2022، ل گەل فائق زێدان سەرۆکێ جڤاتا بلندا دادوەرییا عێراقێ کۆمبوو، د وێ دیدارێ دا، گوتۆبێژ دەربارەیی گرنگییا چارەسەرکرنا کێشێن دناڤبه‌را هەرێما کوردستانێ و حکومەتا فیدرالی ل سەر بنەمایێ دەستووری هاتنه‌ كرن.

سەرۆکێ حکومەتێ دووپاتی ل هندێ كر “دڤێت وەکو قەوارەكێ فیدرالی و دەستووری مامەلە ل گەل ھەرێما کوردستانێ بهێته‌ كرن.

سەرۆکێ جڤاتا بلندا دادوەریێ، پشتگیرییا خۆ بۆ چارەسەرکرنا كێشێن دناڤبه‌را ھەرێمێ و حکومەتا فیدرالی ب رێیا گوتۆبێژان لدووڤ دەستووری دەربڕی کو د بەرژەوەندییا ھەموو وه‌لاتیێن عێراقێ دا بیت.