د وێ کۆمبوونێدا” خەمیس ئەلخەنجەر سەرۆکێ هه‌ڤپه‌یمانیا سیادە ئامادە ببوو، دووماهی پێشهات و گوهۆرینێن عیراق و ده‌ڤه‌رێ و پەیوەندیێن هەرێما کوردستان و حکومەتا فیدرال هاتنه به‌حسكرن و دووپاتی ل سه‌ر پێدڤى و گرنگیا چارەسەركرنا كێشێن دناڤبه‌را هەرێما کوردستانێ و حکومەتا فیدرال دا كر ب ره‌نگه‌كێ بنەڕەت و ل سەر بنەمایێ دستورى.
سەرۆکێ جڤاتا نوونەران ، ئاماژه ب وێ چه‌ندێ دا ده‌لیڤه ھەیە بۆ چارەسەرکرنا هه‌موو كێشان و كێشێن پەیوەندیدار ب دۆسه‌یا نەفت و گازێ ب رێكێن تەشریعى یێن یاسایا نەفت و گازا فیدرالی، كو د بەرژەوەندیا سه‌رجه‌م پێکھاتێن جۆدا و وه‌لاتیێن عێراقێ دابیت.
هه‌روه‌سا گۆت: ھەرێما کوردستانێ ، هه‌رده‌م یا ئامادەیە بۆ چارەسەرکرنا بنه‌ره‌ت یا کێشان ب رێیا دان و ستاندنێ ، ب ره‌نگه‌كى كو مافێن دستوریێن ھەرێما کوردستانێ د پاراستى بن.
