بزاڤ دهێنه‌كرن ده‌ریێن سنوورى یێن نه‌فه‌رمى دناڤبه‌را هه‌رێم و ئیرانێ دا ببنه‌ فه‌رمى

دناڤبه‌را هه‌رێما كوردستان و ئیرانێ دا حه‌فت ده‌رییێن سنوورى یێن نه‌ فه‌رمى هه‌نه‌، و حكومه‌تێن هه‌رێم و ئیرانێ بزاڤێ دكه‌ن ئه‌وان ده‌رییان بكه‌نه‌ فه‌رمى، لێ ئه‌ڤێ چه‌ندێ پێدڤى ب ره‌زامه‌ندی و دانپێدانا حكومه‌تا عیراقێ یه‌.

ب فه‌رمیكرنا ده‌رییێن سنوورى د ده‌ستێن ده‌ستهه‌لاتا حكومه‌تا عیراقێ دایه‌، ئیران و هه‌رێما كوردستانێ به‌رده‌وام بزاڤان دكه‌ن كو ئه‌وان ده‌رییان بكه‌نه‌ فه‌رم، لێ هێشتا حكومه‌تا عیراقێ رازیبوونا خوه‌ بۆ فه‌رمیكرنا ئه‌وان ده‌رییێن سنوورى نه‌دایه‌، و ئه‌گه‌ر بوونه‌ فه‌رمى دێ پێدڤى ب كۆمه‌كا رێكار و پێدڤییان بیت، كو رێكێن باش هه‌بن و ئیداره‌یا حكومه‌تێ سه‌رپه‌رشتییێ بكه‌ت و خزمه‌تگوزارى و كاره‌با هه‌بیت، هه‌تا نوكه‌ بریارا فه‌رمیبوونا ئه‌وان ده‌رییێن سنوورى نه‌هاتییه‌ دان، و حكومه‌تێن هه‌رێم و ئیرانێ به‌رده‌وام كار ل سه‌ر بجهئینانا ئه‌ڤێ بریارێ دكه‌ن.