وەزیرێ ژینگەها عیراقێ: ژ ئه‌گه‌رێ گوهۆرینا سه‌قایی گه‌فا كۆچكرنێ ل سه‌ر 13  ملیۆن گوندنشینان هه‌یه‌

وەزیرێ ژینگەها عێراقێ دیار كر: پتر ژ 13 ملیۆن وه‌لاتی یێن عیراقێ یێن ل گوندان، پشت ب چاندنێ و خودانكرنا گیانه‌وه‌ران د به‌ستن، هه‌كه‌ ژ ئه‌گه‌رێ گوهۆرینا سه‌قایی و کێم ئاڤییێ چاندنێ ژ دەست بدەن دێ نه‌چار بن کۆچبار ببن. 

 ئه‌ڤرۆ دوشه‌مبی د. جاسم فەلاحی، وەزیرێ ژینگەها عێراقێ ب وەکالەت راگەهاند: هشکە سالی گه‌فان ل ئاسایشا عێراقێ دكه‌ت و د ده‌مه‌كی دا، نەتەوێن ئێکگرتی دبێژن، عیراق ئێکە ژ وان پێنج وه‌لاتێن گوهۆرینێن سه‌قایی زۆرترین کاریگەری ل سەر هه‌نه‌” هۆکار ژی ڤه‌دگه‌رن بۆ بلندبوونا پلێن گەرمێ ل گه‌ل كێمبوونا وێ ئاڤا ژ وه‌لاتێن ده‌وروبه‌ر دهێت.

 ناڤهاتی گوت ژی، “کێمبوونا بارانبارینێ و چەند هۆکارێن دیتر بووینە ئه‌گه‌رێ زێده‌بوونا بیابانێ و ژ دەستدانا رووبەره‌كێ زۆر یێ ئه‌ردێ چاندنێ.