بابێ ژینا ئه‌مینی:” ئه‌و داخۆیانیێن وه‌زیرێ ناڤخۆ دوورن ژراستییێ و كچان من چ نه‌خۆشی نه‌بوون “
وه‌زیرێ ناڤخۆ یێ ئیرانێ راگه‌هاند، ئه‌گه‌رێ گیان ژ ده‌ست دانا ژینا ئه‌مینی پۆلیسێن مه نینن، به‌لكوهه‌ر ژ ژییێ سالییێ دا نشتهرگهرییهكا مه‌ژی بۆ هاتبوو كرن و ئه‌و ئه‌گه‌رێ مرنا وێیه، د هه‌مان ده‌مدا بابێ ژینا ئه‌مینی وان هه‌موو داخویانی و ئاخفتنا ره‌ت دكه‌ت و دبێژیت: كچان من چ نه‌خوشی نه‌بوون و به‌رپرسێن ئیرانێ دره‌وا دكه‌ن.
ئه‌مجه‌د ئه‌مینی بابێ ژینا ئه‌مینی، دهربارهیی وان راپۆرتێن ل هنده‌ك ده‌زگه‌هێن راگه‌هاندنێ یێن نێزیك ژ حكومه‌تا ئیرانێ ب تایبه‌ت داخویانیێن وه‌زیرێ ناڤخۆیێ ئیرانێ ئه‌حمه‌د وه‌حیدی سه‌باره‌ت مرنا كچا وێ به‌لاڤكرین دبێژیت: ئه‌و ب خوه دئاخڤن و چ راستی بوو وان داخویانییان نینن و دوورن ژ راستییێ.
بابێ ژینایێ بۆ روژناما (هه‌ممیهه‌ن) ئاشكه‌را دكه‌ت، كچا من چ نه‌خۆشیه‌ك ب وی جوری لێنه‌بوویه كو هنده‌ك به‌رپرس و ده‌زگه‌هێن میدیایێن ئیرانێ به‌حس ژێكرینه گرانترین نه‌خۆشی ل كچا من په‌سیو (په‌رسف) بوویه و زێده‌تر چ نه‌خوه‌شییه‌ك لێ نه‌بوویه یێت دهێنه گوتن هه‌موو دره‌و راست نینن.
