وهزیرێ بهرگرییا ئیسرائیلێ د لێدوانهكێ دا بۆ میدیایێن وهلاتێ خۆه راگههاند، ئهگهرێ پێكدادانێ دناڤبهرا ئهمریكا و ئیرانێ دا ههیه.
بنى گانتێز، بۆ مالپهرێ واى نێت یێ ئیسرائیلى دیاركر، ئهگهرێن مهزن ههنه ل دهمێ رادهستكرنا دهستههلاتێ ل ئهمریكا پێكدادان د ناڤبهرا ئهمریكا و ئیرانێ دا رووبدهت.
ئاماژه ب وێ یهكێ ژى دا، سوپا و هێزێن ئهمنى یێن وهلاتێ وى د ئامادهباشییێ دانه و ب هویرى چاڤدێرییا وان روودانان دكهن یێن ئهگهر ههى بهرامبهر ئیرانێ رووبدهن.
ئهڤ لێدوانا وهزیرێ بهرگرییا ئیسرائیلێ د دهمهكى دایه، ماوێ دوو حهفتییانه ئالۆزیێن مهزن ل دهڤهرێ رووداینه و ل دهمێ دهستبكاربوونا جۆ بایدن وهك سهرۆك كۆمارێ ههلبژارتى یێ ئهمریكا ل كوچكا سپى، دیار نینه ئهو ئالۆزییه دێ كێم بن یان نه.
دههمان دهم دا، ل گورهى راپۆرتێن میدیایێن ئیسرائیلێ دوهى روژا دووشهمبى، بنى گانتز هوشدارى داینه كو ئیران بهحس ل پیتاندنا یۆرانیۆمى ب رێژا بیست ژ سهدێ دكهت و پێدڤى یه ههمى جیهان گڤاشتنان ل سهر ئیرانێ زێدهبكهن.
دوهى روژا دووشهمبى، پهیڤدارێ حكومهتا ئیرانێ ب فهرمى راگههاند، سهرۆك كۆمارى بریارا جێبهجێكرنا پرۆژه یاسایا ستراتیژى یا پهرلهمانێ وهلاتێ خۆه دایه كو پێدڤى یه دهست ب پیتاندنا یۆرانیۆمى ب رێژا بیست ژ سهدێ بكهن و ئارمانجا وان ژى ژ ئهوى كارى گڤاشتنن بۆ سهر كومهلگهها نیڤ دهولهتى و ئهمریكا بۆ راكرنا سزایێن سهر ئیرانێ.
