دكۆمبوونا ئه‌ڤرۆ یا لژنه‌یا گه‌شه‌پێدانا پیشه‌سازى دا ب سه‌رپه‌رشتییا پارێزگارێ دهۆكێ، ئه‌رد بۆ درووستكرنا 10 كارگه‌هێن نوو یێن پیشه‌سازى هاته ته‌رخانكرن.
ئه‌ڤرۆ پێنجێ چریا ئێكێ یا سالا 2022ێ لژنه‌یا پشته‌ڤانى و پێشخستنا پرۆژه‌یێن پیشه‌سازى ب سه‌رپه‌رشتییا پارێزگارێ دهۆكێ د. عه‌لى ته‌ته‌ر و ب به‌رهه‌ڤبوونا رێڤه‌به‌رێن په‌یوه‌ندیدار كۆمبوو.
دکۆمبوونێدا هەلسەنگاندن بۆ کارگەهێن مۆلەتا کاری پێ هاتییەدان و ئەرد بۆ هاتییە تەرخانکرن و قۆناغێن بجهئینانا ئه‌وان هاتەکرن، پارێزگارێ دهۆکێ دووپاتی ل بجهئینانا قانوون و رێنما و رێنمایێن دامودەزگەهێن پەیوەندیدار کر.
ئه‌و پرۆژه‌یێن هاتینە پێشکێشکرن دبیاڤێن خارن و چاندن، جلوبەرگ و دیزاین، دارتاشی و موبیلیات، دارتاشی و درووستکرنا دەرگەهـ و پەنجەرێن پلاستیکی، کلینسێن شل و هشک، بەرهەمئینانا فلینێ دیکورێن خانییان و بوریێن پلاستیکیدا بوون، و ئەرد بۆ 10 ژ ئه‌وان کارگەهان هاتە ته‌رخانکرن.
